2 სექტემბერს საქართველოში კორონავირუსის 38 ახალი შემთხვევა გამოვლინდა და დადასტურებული შემთხვევების რაოდენობა 1548-მდე გაიზარდა. ახალი შემთხვევებიდან 26 აჭარის რეგიონს უკავშირდება, საიდანაც 22 საკონდიტრო მაღაზია “დონას” თანამშრომელია. 5-ის ინფიცირების წყარო კი, ამ დრომდე, უცნობია:
“დაგვემატა 38 ახალი შემთხვევა – იყო 1510 და გახდა 1548 დადასტურებული შემთხვევა. ახალი დადასტურებული შემთხვევების განაწილება ასეთია – 22 არის ბათუმის, საკონდიტრო მაღაზია “დონას” კლასელტერიდან, 7 შემთხვევა გახლავთ დაავადებულ პაციენტებთან კონტაქტი, 4 შემთხვევა შემოტანილია, აქედან 2 სატვირთო ავტომობილის მძღოლია და 5 პირზე მიმდინარეობს კვლევა კონტაქტების მოძიების და წყაროს დადგენის თვალსაზრისით,” – განაცხადა თბილისის ინფექციური საავადმყოფოს სამედიცინო დირექტორმა მარინა ეზუგბაიამ.
შეგახსენებთ, რომ საქართველოში ეპიდემიოლოგიური მდგომარეობა ყოველდღიურად უარესდება. 31 აგვისტოდან დღემდე შემთხვევების მნიშვნელოვანი ზრდა შეიმჩნევა.
ასევე, დღეს გამოვლენილი 38 ახალი შემთხვევა ყველაზე მაღალი მაჩვენებელია რაოდენობრივად 16 აპრილის შემდეგ.
