საქართველოს პრეზიდენტმა სალომე ზურაბიშვილმა ხელი მოაწერა არჩევნების გამოცხადების აქტს, რომლის მიხედვითაც ქვეყანაში 2020 წლის საპარლამენტო არჩევნები 31 ოქტომბერს გაიმართება.
“დღეს ხელი მოვაწერე არჩევნების გამოცხადების აქტს, საქართველოში საპარლამენტო არჩევნები ჩატარდება 31 ოქტომბერს როგორც ჩვენი კონსტიტუცია ითვალისწინებს. მინდა მივმართო საზოგადოებას და მოგიწოდოთ, რომ ეს პერიოდი, ეს ორი თვე, რაც წინ გვიძღვის არჩევნებამდე, ჩავატაროთ რაც შეიძლება მშვიდობიანად…
ამ არჩევნებს განსაკუთრებული მნიშვნელობა აქვს! ჩვენ ამით კიდევ ერთხელ დავადასტურებთ ჩვენი ქვეყნის დემოკრატიულობას…
ვიცი და მჯერა, რომ ჩვენ შეგვიძლია მომავალი არჩევნები ასე დემოკრატიულად, მშვიდობიანად და გამჭვირვალედ ჩავატაროთ“, – განაცხადა საქართველოს პრეზიდენტმა სალომე ზურაბიშვილმა.
2020 წლის საპარლამენტო არჩევნები წინა არჩევნებისგან განსხვავებულად 120/30 ზე მოდელით ჩატარდება. ახალი კონსტიტუციის მიხედვით პარლამენტში მოხვდება ყველა პარტია, რომელიც 1%-იან ბარიერს გადალახავს.
ავტორი
მახო ზავრაშვილი
