პარტია „კანონი და სამართლის“ დამფუძნებელი, “სტრატეგია აღმეშენებლის” ერთ-ერთი ლიდერი თაკო ჩარკვიანი მიხეილ სააკაშვილის მიერ პრემიერ-მინისტრის თანამდებობაზე საკუთარი კანდიდატურის წამოყენებას ეხმაურება და აღნიშნავს, რომ დღევანდელ პოლიტიკურ რეალობაში, ხალხის აზრი ამ გადაწყვეტილებაზე საინტერესო იქნება.
ოპოზიციონერმა ლიდერმა, ასევე, გაიხსენა მიხეილ სააკაშვილის მიერ 2018 წელს გაკეთებული განცხადება, როდესაც საქართველოს ყოფილმა პრეზიდენტმა აღნიშნა, რომ გიორგი ვაშაძე კარგი პრემიერი იქნებოდა:
„მე ახლა, ამ პოლიტიკურ დროში, კრიზისიდან და ჩიხიდან გამოსვლის საპრემიერო კანდიდატად გიორგი ვაშაძეს გთავაზობთ.
რაც შეეხება სააკაშვილს, ძალიან კარგი, თუ მან საკუთარი კანდიდატურა დაასახელა. საინტერესოა, რა პოლიტიკურ დროს იგრძნობს ხალხი.
ვთვლი, რომ “სტრატეგია აღმაშენებელს” თავისი ამომრჩეველი ჰყავს.
სხვათაშორის, მახსოვს, 2018 წელს სააკაშვილმა ორჯერ თქვა, რომ გიორგი ვაშაძე კარგი პრემიერ-მინისტრი იქნებოდა. ესე იგი, ისიც ფიქრობდა რომ ვაშაძე კარგი პრემიერი იქნებოდა და დიახ, მეც ვფიქრობ, რომ გიორგი ვაშაძე ამ პოლიტიკურ რეალობაში, ამ პოლიტიკურ დროში, რა მდგომარეობაშიც ქვეყანა იმყოფება, ის საუკეთესო პრემიერ-მინისტრი იქნებოდა,“ – აღნიშნა „რუსთავი 2“-თან ინტერვიუს დროს თაკო ჩარკვიანმა.
ავტორი
ეკა ქაჩლიშვილი
