თამარ ბაჩალიაშვილის ოჯახი და მათი ადვოკატი, მიხეილ რამიშვილი გენერალურ პროკურატურაში ირაკლი შოთაძესთან შეხვედრაზე იმყოფებიან. გარდაცვლილი გოგონას მშობლები პასუხგაუცემელ კითხვებზე განმარტებებს ითხოვენ. მიხეილ რამიშვილის განცხადებით, პროკურორთან ძალიან ბევრი კითხვა იქნება:
“პირველ რიგში ქალბატონი თეონასგან იქნება ეს კითხვები, თუ რატომ მოხდა ისე, რომ პროკურორმა დასვა ასეთი არაეთიკური კითხვები. რატომ მოინდომა პროკურორმა ინფორმაციის მიღება, რაც უკავშირდება ჟურნალისტს და მიკავშირდება მე.
არის გარკვეული კითხვის ნიშნები, რომელიც კიდევ უფრო მრავალი ხდება. ირაკლი შოთაძესთან მე უფრო საქმიანი კითხვები მექნება. ვიმედოვნებ, რომ იქნება არა წუთიერი, არამედ რამდენიმე საათიანი შეხვედრა. საქმის მასალების გამოთხოვასაც მოვითხოვთ.
ეს არ არის უბრალოდ მარტივი საქმე, სადაც პროკურატურას სრული უფლება აქვს გამოძიებაზე იმუშაოს, მაგრამ არა სიტყვიერად, არამედ საქმით. შესაბამისად, შევაჯერებთ ვინ მუშაობს საქმით და ვინ სიტყვით,”- განაცხადა მიხეილ რამიშვილმა.
ავტორი
თამუნა მახარაშვილი