CNN იუწყება, რომ ჩინეთში ბრაზილიიდან იმპორტირებულ გაყინულ ქათმის ფრთებში კორონავირუსი აღმოაჩინეს. ქალაქ შენჟენში იგივე მარკის პროდუქტებზე ტესტირებები კვლავაც მიმდინარეობს:
“ჩინეთში, ქალაქ შენჟენში ბრაზილიიდან იმპორტირებული გაყინული ქათმის ფრთების ნიმუშზე გაკეთებულმა ტესტმა, Covid-19-ზე დადებითი შედეგი აჩვენა. ეს არის ბოლო, უახლესი ინფორმაცია ჩინეთში ინფექციის მატარებელი საკვები პროდუქტების შესახებ.
ქალაქ შენჟენის ჯანდაცვის ორგანოებმა დაუყოვნებლივ შეამოწმეს ყველა ის ადამიანი, რომელსაც შესაძლოა, პროდუქტთან შეხება ჰქონოდა. ყველა გამოკვლეულის პასუხი კორონავირუსზე უარყოფითი აღმოჩნდა. გამოკვლეულ იქნა სხვა იმპორტირებული პროდუქტებიც, რომელთა შედეგიც ასევე უარყოფითი იყო.
მიმდინარეობს იგივე მარკის პროდუქტების შემოწმება, ხოლო ადგილი, სადაც დაინფიცირებული ქათმის ფრთები ინახებოდა, დეზინფექციას გადის.
აღსანიშნავია, რომ ჩინეთი ბრენდის დასახელებაზე უარს აცხადებს,“ – ნათქვამია CNN-ის განცხადებაში.
ავტორი
ეკა ქაჩლიშვილი
