რუსეთ-საქართველოს ომში დაღუპულ გმირთა ხსოვნას პატივი მიაგო და გარდაცვლილთა მემორიალი გვირგვინით შეამკო „ქართული ოცნება-დემოკრატიული საქართველოს“ ქუთაისის მაჟორიტარი დეპუტატობის კანდიდატმა, ზაზა ლომინაძემ.
მემორიალთან ასევე იმყოფებოდნენ პარტია „ქართული ოცნების“ ქუთაისის ორგანიზაციის ხელმძღვანელები და წარმომადგენლები.
“დღეს ერთ-ერთი უმძიმესი თარიღია საქართველოს უახლეს ისტორიაში. 2008 წლის ომს ჩვენი ასობით უდანაშაულო თანამემამულის სიცოცხლე შეეწირა. საქართველომ დაკარგა კონტროლი კიდევ უფრო მეტ ტერიტორიაზე და ჩვენი ქვეყნის 20% დღემდე ოკუპირებულია.
ისტორია საკადრის პასუხს მიაგებს მათ, ვინც ქვეყანას ეს ტრაგედია ვერ ააცილა, ვინც გმირი ჯარისკაცები და მშვიდობიანი მოქალაქეები ბრძოლის ველზე ბედის ანაბარა მიატოვა,” – განაცხადა, ზაზა ლომინაძემ.
შეგახსენებთ, რუსეთ-საქართველოს ომიდან 12 წელი გავიდა. რუსული ოკუპაციის შემდეგ ქვეყანამ დაკარგა ტერიტორიები. საომარ მოქმედებებს ემსხვერპლნენ როგორც სამხედრო პირები, ისე მშვიდობიანი მოქალაქეები.
ლიკა დევდარიანი
სააგენტო “პარალელის”
რეგიონალური კორესპონდენტი