“NATO” მოუწოდებს რუსეთს შეასრულოს საერთაშორისო ვალდებულება და საქართველოს ტერიტორიიდან ძალები გაიყვანოს – ჯეიმს აპატურაი

42

“NATO”-ს გენერალური მდივნის წარმომადგენელი კავკასიასა და ცენტრალურ აზიაში, ჯეიმს აპატურაი სოციალურ ქსელში აგვისტოს ომის მე-12 წლისთავს გამოეხმაურა და აღნიშნა, რომ ჩრდილოატლანტიკური ალიანსი კვლავაც განაგრძობს საქართველოს მხარდაჭერას, რუსეთს კი აგრესიის შეწყვეტისკენ მოუწოდებს:

„12 წლის განმავლობაში, საქართველოს ტერიტორიის 20%-ზე, რუსული ჯარი უკანონოდ იმყოფება. შედეგად კი, ათასობით ადამიანი იძულებული გახდა საკუთარი სახლი მიეტოვებინა. “NATO” განაგრძობს საქართველოს საერთაშორისოდ აღიარებული საზღვრების მხარდაჭერას და მოუწოდებს რუსეთს, შეასრულოს საერთაშორისო ვალდებულებები და საქართველოს ტერიტორიიდან საკუთარი ძალები გაიყვანოს,“ – წერს ჯეიმს აპატურაი.

ავტორი
ეკა ქაჩლიშვილი

კომენტარები