გარდაცვლილი თამარ ბაჩალიაშვილის მშობლები ამერიკის საელჩოსთან აქციას მართავენ და საქმის გამოძიებაში FBI-ს ჩართვას მოითხოვენ. თამარ ბაჩალიაშვილის დედა, თეონა თამაზაშვილი შეხვედრას კელი დეგნანთან ითხოვს:
„მოვითხოვ FBI-ს ჩართულობას ამ საქმეში ჩემი შვილის, თამარ ბაჩალიაშვილის მოკვლის თაობაზე. მოვითხოვ ამერიკის ფედერალური ბიუროს ჩართულობას.
მსურს, უშუალოდ კელი დეგნანთან შეხვედრა, რომელიც სავარაუდოდ დედაა და შეუძლია, გულთან ახლოს მიიტანოს ჩემი ტკივილი, დედის ტკივილი, რომელსაც შვილი უმოწყალოდ, წვალებით, ტანჯვით დაკრუნჩხული თითებით უწამეს და ისე მოკლეს. რომ მახსენდება ცუდად ვხდები.
გთხოვთ, კელი დეგნან, გეჩოქებით, გულთან ახლოს მიიტანეთ. 18 დღეა აქ სამართალს ვერ მივაღწიე.
ჩემი უმანკო კრავი ყველანაირ ლაფში ამოსვარეს, სიკვდილი არ აკმარეს, ათასნაირ ცილს სწამებენ, ნარკომანობას სწამებენ, ათასნაირი ჩირქს სცხებენ,“ – განაცხადა თეონა თამაზაშვილმა.
ავტორი
ეკა ქაჩლიშვილი
