“სტრატეგია აღმაშენებლის” გუნდის განათლების მიმართულების ხელმძღვანელი, ნანა ტოხვაძე სააგენტო ,,პარალელთან“ ექსკლუზიურ ინტერვიუში, ბოლო დროს ამერიკასა და საქართველოს შორის დაძაბულ ურთიერთობებზე საუბრობს და აღნიშნავს, რომ მმართველი გუნდი ამერიკულის ნაცვლად, რუსულ სქემას იშველიებს ქვეყნის სამართავად. მისივე თქმით, 2020 წლის არჩევნები ვერ გაყალბდება, რადგან საერთაშორისო საზოგადოების ჩართულობა დიდია:
,,ინგლისურის მცოდნე აღარავინ დარჩა ,,ქართული ოცნების“ გუნდში და ამ სახით გრძელდება ბიძინა ივანიშვილის ოლიგარქიული რეჟიმი. მათ კონკრეტული დავალებები აქვთ და რუსული სქემის მიხედვით აპირებენ ქვეყნის მართვას, თუმცა ეს ქართულ საზოგადოებასთან არ გაუვათ.
რაც შეეხება არჩევნების საკითხს, ამ კონკრეტულ არჩევნებზე, გასული წლის არჩევნებისგან განსხვავებით საზოგადოების ჩართულობა საკმაოდ დიდია. ,,ლუპით” უყურებს სადამკვირვებლო მისიები 2020 წლის საპარლამენტო არჩევნებს, ამიტომ მე დარწმუნებული ვარ, რომ საერთაშორისო წნეხით და ჩვენი, ,,სტრატეგია აღმაშენებლის” მხარდამჭერების აქტიურობით, ეს არჩევნები ოპოზიციის გამარჯვებით დასრულდება“, – აღნიშნავს ნანა ტოხვაძე.
ავტორი
ქეთა გაბრიაძე
