ქუთაისში ნამოხვან ჰესის მშენებლობა გააპროტესტეს. აქციაზე შეკრებილმა მოქალაქეებმა 5 ივლისს, ნამოხვანში გამართული აქციის მოთხოვნები კიდევ ერთხელ გააჟღერეს.
მათი თქმით, მშენებელმა კომპანიამ მიცემულ ვადებში ტერიტორიიდან სამშენებლო ტექნიკა უნდა გაიყვანოს და ადგილზე სამუშაოები უნდა შეწყვიტოს. როგორც აქციის მონაწილეებმა განცხადეს, ისინი დღეს ბოლო საპროტესტო აქციას მართავენ და თუ მათ მოთხოვებს არ დააკმაყოფილებენ, პროტესტის უკიდურეს ფორმებს, შიმშილობას მიმართავენ, ხოლო კომპანიის ტექნიკიას გზას გადაუკეტავენ.
“5 ივლისს ნამოხვანში აქცია ჩავატარეთ, სადაც კომპანიასა და ხელისუფლბას ვადა მივეცით, რათა ჩვენი მოთხოვნები შესრულებულიყო. დღეს ჩვენ ვხედავთ, რომ კომპანია მოთხოვნებს არ ასრულებს. ჯერჯერობით აქციას გამაფრთხილებელი სახე აქვს, რომ ქუთაისის მოსახლეობამ დაინახოს რეალური საფრთხე. ქუთაისს ემუქრება სიკვდილი, იმის გამო რომ ვიღაცებმა ასეულ მილიონიანი კორუფციული შემოსავალი იშოვნ. 21-ე საუკუნეში ჰესების დრო აღარ არის,” – აცხადებენ აქციის მონაწილეები.
ცნობისთვის, რიონის ხეობაში 433 მეგავატი სიმძლავრის ჰესს კომპანია “ქლინ ენერჯი გრუპი” აშენებს.
ლიკა დევდარიანი
სააგენტო “პარალელის”
რეგიონალური კორესპონდენტი