ბოდბელი ეპისკოპოსი, მეუფე იაკობი შაქარაშვილის საქმის გამოძიებაზე კომენტარს აკეთებს და აღნიშნავს, რომ მისი აზრით, პროკურატურა ხელს არავის აფარებს და გამოძიება უფრო ღრმა დეტალებსაც გამოავლენს. ოჯახისა და გიორგის ტრაგედიის პოლიტიზირება არ უნდა ხდებოდეს:
„სარალიძის ამბავმა აჩვენა, რომ არ ჩაიფარცხება არაფერი და გამოძიება არ უნდა იყოს ზერელე. მე ვერ შევამჩნიე ვერც პროკურატურას, ვერც შსს-ს, ვიღაცას ხელს აფარებდნენ.
რაც მთავარია, ითქვა, რომ ეს იყო მკვლელობა.
მინდა გამოვხატო ჩემი გულისტკივილი. ვუსამძიმრებ გიორგი შაქარაშვილის სიკვდილს არა მხოლოდ ოჯახს, არამედ მთელ საქართველოს.
ჟურნალისტებმა ბევრი რამ გააკეთეს, მაგრამ არ მგონია, რომ გამოძიება ამ დასკვნამდე თვითონ არ მისულიყო. ალბათ, უფრო ღრმადაც ჩავლენ. გულსატკენია, რამდენი ახალგაზრდა იღუპება.
ჩემი თხოვნა ნებისმიერი პირის მიმართ იქნება, რომ ოჯახისა და გიორგის ტრაგედიას პოლიტიკოსები ნუ შეეხებიან,“ – განაცხადა მეუფე იაკობმა.
ავტორი
ეკა ქაჩლიშვილი
