სამწუხაროდ, ჩვენს ცხოვრებაში ტრაგიკული შემთხვევები იძენს პოლიტიკურ შეფერილობას – ასე ეხმაურება საქართველოს პრემიერ-მინისტრი შაქარაშვილის საქმეზე მიმდინარე გამოძიებას და აღნიშნავს, რომ სასჯელი გარდაუვალი იქნება. როგორც გიორგი გახარია აღნიშნავს სახელმწიფოს და პირველ რიგში, საგამოძიებო ორგანოების ძირითადი ამოცანაა, ყველა კითხვას უმოკლეს ვადებში გაეცეს პასუხი:
„მიმდინარეობს გამოძიება. ერთხელ უკვე ვთქვი, რომ სახელმწიფოს და პირველ რიგში, საგამოძიებო ორგანოების ძირითადი ამოცანაა, ყველა კითხვას უმოკლეს ვადებში გაეცეს პასუხი.
ჩვენი ამოცანაა, ხელი შევუწყოთ გამოძიებას, ხოლო გამოძიების შეფასება შესაძლებელი იქნება მისი დასრულებისა და შედეგის მიღების შემდეგ.
პოლიტიკური მიზნებისთვის ტრაგედიით სპეკულირება, რაც კატეგორიულად მიუღებელია. არასამართლიანი კი არა, ამორალური, ყველანაირ ფასეულობებს მიღმაა.
მთავარია, გამოძიება ჩატარდეს და დამნაშავე დაისაჯოს, სასჯელის გარდაუვალობა კი არის ის ძირითადი პრინციპი, რომელიც ამ კონკრეტულ შემთხვევაში უნდა აღსრულდეს,“ – განაცხადა გიორგი გახარიამ.
ავტორი
ეკა ქაჩლიშვილი
