პოლიტიკური პლატფორმა „ახალი საქართველოს“ თავმჯდომარე გიორგი ვაშაძე აცხადებს, რომ დასავლეთი საქართველოსთან მიმართებაში არჩევნებზე იქნება ჰიპერაქტიური, რადგან მათ სჭირდებათ ძლიერი დემოკრატიული საქართველო პარტნიორად და ის კანონდარღვევები, რომელიც საპრეზიდენტო არჩევნების მეორე ტურზე მოხდა, ამას არც ოპოზიცია და არც საერთაშორისო საზოგადოება არ დაუშვებს:
„ერთი წლის წინ ბევრი ადამიანი მეკითხებოდა, რომ დასავლეთი არის პასიური საქართველოსთან მიმართებაში, მე განვაცხადე, რომ არჩევნების მოახლოებასთან ერთად დასავლეთი იქნება ჰიპერაქტიური. რატომ? – იმიტომ, რომ მას პარტნიორად ძლიერი დემოკრატიული საქართველო სჭირდება.
შესაბამისად, ის გაყალბებები, ის მასობრივი მოსყიდვები, ის მასობრივი კანონდარღვევები, რომლებიც საპრეზიდენტო არჩევნების მეორე ტურზე მოხდა, აღარ გაუვა „ქართულ ოცნებას“ ამისთვის დამკვირვებლებიც იქნებიან, შესაბამისი მექანიზმებიც იქნება და მომზადებულებიც ვართ როგორც ჩვენ – ოპოზიცია, ასევე საერთაშორისო საზოგადოება,“ – აცხადებს გიორგი ვაშაძე.
ავტორი
თამთა ასლანიშვილი
