სახელმწიფო უნივერსიტეტებში დაფინანსების საკითხს, კონკრეტული განმარტებებით, სოციალურ ქსელში ეხმიანება, პოლიტიკური ფილოსოფიის დოქტორი, ანალიტიკოსი არჩილ გამზარდია:
“სახელმწიფო უნივერსიტეტებში დაფინანსების შენარჩუნების 80%-იანი შეფასების მოთხოვნა სავსებით კანონზომიერია, რადგან ერთი მხრივ უნდა ამართლებდეს სტუდენტი დაფინანსებას სწავლის შესაბამისი ხარისხით, მეორე მხრივ მუდამ მუშაობდეს თავის თავზე, რადგან ზოგჯერ ისეც ხდება, რომ ხანდახან ახალგაზრდას უნივერსიტეტში ჩაბარება და დიპლომის აღების ფორმალობა საკმარისად მიაჩნია და მინიმალური ზღვარიც აკმაყოფილებს. გადასახადის გადამხდელთა ანგარიშით სწავლისთვის კი ეს საკმარისი პირობა არაა.
თუმცა, აქ არის რისკები, ერთი მხრივ, კორუფციისა, მეორე მხრივ სტუდენტების მხრიდან ლექტორებზე ზეწოლისა ქულებთან დაკავშირებით და კონფლიქტების რისკები.
დანარჩენს პრაქტიკა აჩვენებს“, – წერს არჩილ გამზარდია.
