გორში მომხდარი ავტოსაგზაო შემთხვევა ტრაგიკულად დამთავრდა – ავარიას დედა და მისი მცირეწლოვანი შვილი ემსხვერპლა. აღნიშნულ ფაქტს მწვავე შეფასებებით ეხმაურება პარტია “ხალხისთვის” თავმჯდომარე, ანა დოლიძე:
“გორში მომხდარი ავტოსაგზაო შემთხვევა გვიჩვენებს, თუ როგორი ქაოტური და უყურადღებო ვითარებაა გზებზე. ყველა წესიერი შსს მინისტრი კარგა ხანია უარს იტყოდა ამ პასუხისმგებლობაზე და გადადგებოდა, როდესაც მის წინაშეა შემთხვევა, რომ ადამიანს 225 ჯარიმა აქვს გამოწერილი და მაინც საჭესთან ჯდება.
მიხარია, რომ ავტოსაგზაო სფეროს ექსპერტების გააქტიურება მოჰყვა ჩემს მიმართვას.
მთავრობის მხრიდან ნაბიჯები აქამდე რომ გადადგმულიყო, ის უბედურება, რაც გზებზე ხდება, თავიდან იქნებოდა აცილებული.
ყველა ნიშანი აჩვენებს რომ ადამიანი არ უნდა იჯდეს საჭესთან, 225 ჯარიმა! ამ დროს კი ის მაინც ღუპავს სხვებსაც და თავის თავს. ეს დიდი ტრაგედიაა.
ამ უპატრონობას მთავრობის მხრიდან სერიოზული ნაბიჯების გადადგმა სჭირდება“, – წერს ანა დოლიძე ფეისბუქის პირად გვერდზე.
