“ახლა შემხვდა ბაჩო ახალაიას ცოლის პოსტი და ერთს ვიტყვი“, – წერს სოციალურ ქსელში ილიას სახელმწიფო უნივერსიტეტის სამართლის სკოლის ასოცირებული პროფესორი, გიორგი მელაძე და განსაკუთრებით პოზიტიურ შეფასებებს აკეთებს აფხაზეთის უზენაესი საბჭოს ყოფილი თავჯდომარის, თამაზ ნადარეიშვილის შვილსა და თავდაცვის ყოფილი მინისტრის, ბაჩო ახალაიას მეუღლლის ანი ნადარეიშვილთან დაკავშირებით:
“ბევრმა უნდა ინატროს ისეთი ადამიანის გვერდში დგომა, როგორიც ეს გოგოა.
ამ ადამიანს რომ არ ეხმარებიან უფლებადამცველები, ეს ცალკე ამბავია და რაღაც დროს მაგასაც დაერქმევა თავისი სახელი.
შეიძლება ბევრი ბოროტება აქვს ჩადენილი ახალაიას, ოღონდ ეგ უნდა დაუმტკიცო და ისე ედავო. რასაც ვუყურებ და რაც მისი ცოლის, ანას ვიდეოს ვუსმინე, ვერაფერს უმტკიცებენ.
ჰოდა, იცოდეთ, ანაზე ძლიერი პოლიტიკური ლიდერი დღეს ცოტაა“, – აცხადებს გიორგი მელაძე.
