“წარმატებას ვუსურვებ ცოტნე ივანიშვილის კარგ წამოწყებას და იმედი მაქვს, რომ ეს პროცესი მომავალში კიდევ უფრო ინკლუზიური იქნება” – ნიკოლოზ მეტრეველი

ანალიტიკოსი ნიკოლოზ მეტრეველი პოზიტიური შეფასებებით ეხმიანება და მხარდაჭერას გამოხატავს “ქართული ოცნების” საპატიო თავმჯდომარის, ბიძინა ივანიშვილის შვილის, ცოტნე ივანიშვილის აქტივობების მიმართ:

“მინდა მხარდაჭერა გამოვუცხადო ცოტნე ივანიშვილის იმ აქტივობებს, რომლებიც ახალგაზრდებთან ღია დიალოგს, მათ ჩართულობასა და მნიშვნელოვანი საზოგადოებრივი საკითხების განხილვას ემსახურება. მიმაჩნია, რომ ახალგაზრდებთან უშუალო კომუნიკაცია და მათი მოსაზრებების მოსმენა ქვეყნის განვითარებისთვის მნიშვნელოვანი პროცესია.

ასევე მინდა საზოგადოებას შევახსენო, რომ 2012 წლის წინასაარჩევნო პერიოდში ბერა ივანიშვილი აქტიურად იყო ჩართული ახალგაზრდებთან მუშაობაში და ჩემი შეფასებით, მნიშვნელოვანი წვლილი შეიტანა „ქართული ოცნების“ გამარჯვებაში.

დარწმუნებული ვარ, ცოტნე ივანიშვილიც შეძლებს ახალგაზრდებთან ეფექტიანი ურთიერთობის ჩამოყალიბებას, მათი ინტერესების მოსმენას და მათ უფრო აქტიურ ჩართულობას საზოგადოებრივ ცხოვრებაში. წარმატებას ვუსურვებ მის კარგ წამოწყებას და იმედი მაქვს, რომ ეს პროცესი მომავალში კიდევ უფრო ინკლუზიური იქნება“, – წერს სოციალურ ქსელში ნიკოლოზ მეტრეველი.