გორში მომხდარ ფაქტს, რა დროსაც პოლიციელები ძალადობდნენ მოქალაქეებზე, ემოციური მინიშნებებით ეხმაურება ქართველი პოეტი, პროზაიკოსი, წიგნიერების გამავრცელებელი საზოგადოების თავმჯდომარე, ბიბლუსის შემოქმედებითი დირექტორი, გიორგი კეკელიძე:
“დიდი სირცხვილია, როცა ათი ერთს ცემს, მაგრამ კიდევ უფრო დიდი სირცხვილია, როცა ათასი ამ ათს ამართლებს.
ის ათასი რომ არ ამართლებს ამ ათს, ეს ათიც ვერ გაბედავდა იმ ერთის ცემას.
და იმ ათას გამმართლებელზე რომ ათიათასი მდუმარე არ მოდიოდეს, ვერც ის ათასი გაბედავდა ხელის დაფარებას“, – წერს გიორგი კეკელიძე სოციალურ ქსელში.
