საქართველოში კრიპტომოპოვების ნეგატიურ გავლენაზე საუბრობს და თავისუფალ ინდუსტრიულ ზონებში მისი აკრძალვის წინადადებით გამოდის პარლამენტის ყოფილი დეპუტატი, საქართველოს ეროვნული ბანკის ყოფილი პრეზიდენტი, ეკონომისტი რომან გოცირიძე:
“კრიპტოსაწარმოები ანგრევენ ენერგოსისტემას.
ელექტროენერგიის ყველაზე დიდი 10 მომხმარებლიდან 4 არის კრიპტოსაწარმო, 30-დან 8, 50-დან 12.
ყველა აღნიშნული საწარმო დაკავშირებულია “ქართულ ოცნებასთან”, ყველა ბობოლა ქოც ბიზნესმენს თავისი ოქროსკვერცხისმდებელი კრიპტოქათამი ჰყავს.
ასეთი ვითარება ზრდის დენის ტარიფს, აზიანებს ქვეყნის ენერგეტიკის სექტორს და იწვევს ქვეყნიდან ვალუტის გადინებას.
მათ მიერ ბიუჯეტში შენატანი თითქმის ნულოვანი.
თავისუფალ ინდუსტრიულ ზონებში უნდა აიკრძალოს კრიპტომოპოვება“, – წერს რომან გოცირიძე სოციალურ ქსელში.
