“ეუთოს “მოსკოვის მექანიზმის” ფარგლებში საქართველოზე მომზადებული ანგარიში არის სიცრუით გაჯერებული” – ირაკლი კობახიძე

“ძალადობრივ ინციდენტებთან დაკავშირებით, 3-4 შემთხვევა იყო, როცა კონკრეტული გადაცდომები იყო, თუმცა ადამიანების იდენტიფიცირება ვერ მოხერხდა. რაც შეეხება წამებას – ეს მტკნარი სიცრუეა”, – ასე ეხმაურება მთავრობის მეთაური ირაკლი კობახიძე ეუთოს “მოსკოვის მექანიზმის” ფარგლებში საქართველოზე მომზადებული ანგარიშს და აცხადებს, რომ ანგარიში სიცრუითაა გაჯერებული:

“ეუთოს „მოსკოვის მექანიზმის“ ფარგლებში საქართველოზე მომზადებული ანგარიში არის სიცრუით გაჯერებული, ყველამ ვიცით, რომ წინასწარ იყო დაწერილი ის დასკვნა, რომელიც მოგვიანებით გამოქვეყნდა, საქართველო არის მოწინავე ეუთოს ქვეყნებს შორის დემოკრატიული განვითარების თვალსაზრისით, ორმაგი სტანდარტი არის ძალიან თვალსაჩინო და სამარცხვინო“, – აღნიშნავს ირაკლი კობახიძე.