არჩილ გამზარდიას პარალელები თუ თანაკვეთები? ობიექტური თუ სუბიექტური “ბალანსი” შეფასებებში:
“ლეგიტიმაციის პრობლემა ფართო გაგებით, დღეს მმართველ პარტიასაც აქვს და ოპოზიციურ პარტიებსაც. წარმომადგენლობითი აღიარება, პატივისცემა და პრესტიჟი არც ერთ მათგანს არ გააჩნია.
შეიძლება ითქვას ისიც, რომ თუ მმართველობითი სივრცე უზურპირებულია ერთი პარტიის მიერ, საწინააღმდეგო სივრცეც რელატიურად უზურპაციული ბუნებისაა სხვა პარტიების სახით, ნებაყოფლობითი მხარდაჭერა ყოვლისმომცველად დეფიციტურია და საკმარისი საზოგადოებრივი ბუნებრივი თუ ნებელობითი აღიარება / მხარდაჭერა თითქმის არ გვაქვს სახეზე.
ასე, რომ ლიგიტიმაციის პოლიტიკურ და მორალურ განზომილებაზე სამუშაო აქვს მმართველ პარტიასაც და ოპოზიციურ პარტიებსაც, რამდენადაც ფართო გაგებით, არ არსებობს საქართველოში პოლიტიკური სუბიექტი, რომელსაც საკმარისი საზოგადოებრივი აღიარება გააჩნია“, – წერს არჩილ გამზარდია სოციალურ ქსელში.
