მიხეილ სააკაშვილის საკომუნიკაციო აქტივობების მიმართ მწვავე ნეგატიურ პოზიციას აფიქსირებს ანალიტიკოსი ზაალ ანჯაფარიძე:
“მაქვს ძალიან კონკრეტული კითხვა ხელისუფლებასთან: რატომ ეძლევა უკრაინის მოქალაქე პატიმარ მიხეილ სააკაშვილს აბსოლუტურად შეუზღუდავი კომუნიკაციის უფლება (ფბ-პოსტები, სტატიები უცხოურ გაზეთებში და ა.შ.)?
შესაძლო არგუმენტმა, რომ ამით ის თვითლუსტრაციას ახდენს და ა.შ. ვფიქრობ თავი უკვე ამოწურა.
მისი საშინაო თუ საგარეო კომუნიკაცია (მაგ. მოწოდება საქართველოს ბანკებისთვის სანქციების დაწესებაზე და სხვა), პირდაპირ მიმართულია ქვეყანაში დესტაბილიზაციის წაქეზებისკენ და ხელშეწყობისკენ.
ვფიქრობ, რომ მარტო არ ვარ ამ მოსაზრებაში და საზოგადოების დიდი ნაწილიც ასე ფიქრობს. სავარაუდოდ, კანონმდებლობაში იქნება შესაბამისი ნორმები, რომლებიც ითვალისწინებს პატიმრისთვის გარე კომუნიკაციის შეზღუდვას“, – წერს სოციალურ ქსელში ზაალ ანჯაფარიძე.
