განათლების ყოფილი მინისტრი, ილიას სახელმწიფო უნივერსიტეტის პროფესორი, პოლიტოლოგი გია ნოდია კონკრეტულ საფრთხეებს ხედავს განათლების სისტემაში მმართველი გუნდის გეგმებთან დაკავშირებით და ილიას სახელმწიფო უნივერსიტეტის ფაქტობრივი განადგურების მცდელობაზე მიანიშნებს:
“ხელისუფლებას არც კი უცდია იმის დასაბუთება, როგორ გააუმჯობესებს მისი შემოთავაზებული უმაღლესი განათლების დეფორმა განათლების ხარისხს.
მის მიერ ხარისხის კრიტერიუმზე უარის თქმას აქვს სრულიად რაციონალური საფუძველი: მისი მიზანია ებრძოლოს საუკეთესო უნივერსიტეტებს, რადგან ხარისხიანი უნივერსიტეტები არასოდეს არიან მთავრობის მორჩილი.
ბევრის აზრით, დეფორმის მთავარი მიზანია ილიას უნივერსიტეტის ფაქტობრივი განადგურება. ამის კონკრეტული არგუმენტი არსებობს: ხარისხის ფაქტორს მნიშვნელობა რომ მიანიჭო, მაინცდამაინც ილიას უნივერსიტეტს ვერ გაანადგურებ.
ესე იგი, დეფორმა ხარისხის ფაქტორის სრული უგულებელყოფით უნდა ჩატარდეს“, – წერს გია ნოდია სოციალურ ქსელში.
