მმართველი პარტიის მიერ დაგეგმილ ახალ საკანონმდებლო ინიციატივებს, სოციალურ ქსელში, კონკრეტული შეფასებებით, განმარტებებით და შეთავაზებებით ეხმაურება პარტია “ხალხისთვის” თავმჯდომარე, ანა დოლიძე:
“თუ ვინმეს დაჭერა უნდათ, ამისთვის არავითარი ახალი კანონი არ არის საჭირო. ისეთი კანონები და მუხლებია უკვე მიღებული, ნებისმიერი პირის დაკავება არის შესაძლებელი. დაცული მოქალაქე უკვე არ არსებობს. სასამართლო მიტაცებულია. ამიტომ ახალი კანონის მიღებაზე ვაივიში უბრალოდ ტერორის კამპანიის ნაწილია. მორიგი რამდენიმე დღიანი კამპანიის ჩატარება რომ გაგვიჯდეს თავში რომ გვჩაგრავენ.
რად უნდა ახალი კანონი როდესაც ყველა პოსტის გამო შეიძლება ადამიანი ისედაც დააკავონ?
საკითხი სხვაგანაა: სად არის საკონსტიტუციო სასამართლო? არ იკრიბებიან იმიტომ რომ რომ არავის არ უნდა ხელი მოაწეროს და გაიფორმოს დღევანდელი ვითარება.
უნდა დაიწეროს მაქსიმალური რაოდენობა სარჩელების, ყველა კანონზე. ისტორიული სიმართლისთვის“, – აცხადებს ანა დოლიძე.
