“კოალიცია ცვლილებებისთვის” და “დროას” ერთ-ერთი ლიდერი, გიგა ლემონჯავა შეწყალების აქტის გამოცემის მოლოდინისას შექმნილ სიტუაციას მწვავე შეფასებებით ეხმაურება:
“ერთ-ერთი ყველაზე ჰუმანური მმართველობითი აქტი – შეწყალება, გადააქციეს სადისტურ რიტუალად.
თვითონ შექმნეს მოლოდინი და ამ მოლოდინით აწამეს ადამიანები.
ივანიშვილი არ შეიცვლება. ასეთი ბოროტი იყო, ასეთად დარჩება და მისი გაკეთილშობილება არც არის ჩვენი ამოცანა. ჩვენ უნდა გავიაზროთ ვისთან გვაქვს საქმე. ამის გარეშე ვერ გავიმარჯვებთ.
გუშინ ბევრი კარგი ადამიანისგან კიდევ ერთხელ მოვისმინეთ, რომ ყაველაშვილი არ იყო ასეთი მონა, რომ “ქართულ ოცნებაში” ბევრი ადამიანია, ვისაც ესმის ჰუმანურობის ფასი და მათ უნდა აიმაღლონ ხმა ადამიანურობის სახელით.
არა! ვინც ახლა კიდევ ოცნებაშია, იმას ხმა აღარ აქვს, არც სინდისი აქვს, არც ტვინი თავში. მათში ადამიანს ვეღარ გააღვიძებ.
ჩვენ მოგვაგებინებს მხოლოდ ძალა – ბევრი გაბრაზებული ხალხი ქუჩაში, ბევრი სანქცია, მტანჯველების არაღიარება ლეგიტიმურ ხელისუფლებად“, – წერს გიგა ლემონჯავა სოციალურ ქსელში.
