“ქრონიკა+”-ის დამფუძნებელი და მთავარი რედაქტორი, ელისო კილაძე ბიძინა ივანიშვილის უკმაყოფილებაზე, “ქართული ოცნების” ნაადრევად დასრულებულ ზეიმსა და საარჩევნო არევ-დარევაზე საუბრობს:
“არჩევნების ღამეს კეთილები მოუკითხა ბიძინა ივანიშვილმა კახი კალაძეს და ირაკლი კობახიძეს, “გამარჯვების” ზეიმიც იმიტომ დასრულდა ათ წუთში.
ისეთი არიეს, აღარ ლაგდება! არადა, 56% ვიგებთო არწმუნებდნენ!!!
მოპარული არჩევნები დააბრუნეთ, ფარჩაკებო!” – წერს ფეისბუქის პირად გვერდზე ელისო კილაძე.
საკოორდინაციო საბჭოს სხდომის შემდეგ მთავრობის ადმინისტრაციაში ბრიფინგი გამართა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორმა ამირან გამყრელიძემ და ყურადღება გაამახვილა სტომატოლოგებისა და პენსიონრების ჩართულობაზე კორონავირუსთან ბრძოლაში, რადგანაც საჭიროა ადამიანური რესურსი კოვიდინფიცირებულთა ადამიანების მოსავლელად:
‘‘სამწუხაროდ, ისევ და ისევ, ერთ დონეზე რჩება ჩემი კოლეგების, სამედიცინო პერსონალის დაინფიცირების მაჩვენებელი და ეს ძალიან კრიტიკულია – 183 შემთხვევა იყო 24 საათის განმავლობაში, რაც ცუდია იმ თვალსაზრისით, რომ ისინი ფრონტის წინა ხაზე არიან, ეს ადამიანური რესურსი კი საჭიროა კოვიდინფიცირებულთა ადამიანების მოსავლელად.
ჩვენს კოლეგებს, ვინც დღეს დასაქმებულები არ არიან ან პენსიაზე არიან, მათ შეიძლება მოეძებნოთ საქმე. გასაგებია, რომ ასაკოვან ექიმებს ვერ გამოვიყენებთ რეანიმაციებსა და ჰოსპიტალებში, მაგრამ ისინი კოვიდცენტრებში, პირველადი ჯანდაცვის დაწესებულებებში, კოვიდსასტუმროებში შეიძლება დასაქმდნენ.
საჭიროა ასევე სტომატოლოგების მობილიზება, რომლებიც ბევრნი არიან ქვეყანაში და აქვთ შესაბამისი სამედიცინო განათლება, მათ ნასწავლი აქვთ შესაბამისი საგნები სამედიცინო ინსტიტუტში, რის შედეგადაც კარგად იციან ადამიანის ჯანმრთელობის შესახებ.
მე-5, მე-6 კურსის სტუდენტები, რომელთაც ძირითადი კლინიკური საგნები გავლილი აქვთ, თავისუფლად შეიძლება ექიმის, ექთნის ასისტენტებად იმუშავონ ამ პერიოდში, რადგან ამ ტიპის მოძრაობა ქვეყანაში საჭიროა, იმიტომ რომ ჩვენ შევდივართ ეპიდემიური სიტუაციის გარკვეულ ზღვარზე, რომელიც სამართავია’’, – განაცხადა ამირან გამყრელიძემ.
ავტორი
ანა რობაქიძე
„სტრატეგია აღმაშენებლის“ ლიდერის გიორგი ვაშაძის განცხადებით, მმართველი გუნდის მხრიდან საპარლამენტო არჩევნების შედეგების გაყალბებით გამოწვეული ოპოზიციის პროტესტი აუცილებლად გაგრძელდება და მათი მოთხოვნა შესრულებამდე ძალაში დარჩება. ოპოზიციონერი ლიდერი მხარდამჭერებს, პროტესტის გამოხატვის მიზნით, 8 ნოემბერს 15:00 საათზე რუსთაველის გამზირზე, პარლამენტის წინ საპროტესტო აქციაზე იწვევს, ხოლო საარჩევნო კომისიის წარმომადგენლებს კი მოუწოდებს თანამდებობები დატოვონ და უარი თქვან გაყალბების იმ უზარმაზარ მექანიზმზე, რომელიც „ქართულმა ოცნებამ“ ჩამოაყალიბა:
„ჩვენი მხრიდან პროტესტი აუცილებლად გაგრძელდება! პირველ რიგში ყველას მინდა მოვუწოდო, თითოეულ მოქალაქეს გამოვიჩინოთ ჩვენი მოქალაქეობრივი პასუხისმგებლობა და 8 ნოემბერს, 15:00 საათზე ყველანი შევიკრიბოთ რუსთაველის გამზრიზე, პარლამენტის წინ და ერთად გამოვხატოთ პროტესტი მოპარული ხმების გამო.
საარჩევნო კომისიის ადმინისტრაცია ფაქტობრივად, სარჩელებს არა თუ არ აკმაყოფილებს, არცერთი სარჩელი არც კი, განუხილავს. ისინი გადაწყვეტილებებს არ გვაძლევენ იმ მიზნით, რომ ვერ მოხერხდეს აღნიშნული სარჩელების დროულად გასაჩივრება სასამართლოში. ჩვენ სამართლებრივ პროცედურებს მაინც მივყვებით, თუმცა მთელმა საქართველომ იცის, რომ არჩევნები ტოტალურად გაყალბდა და ჩვენ ამ გაყალბებულ შედეგებს არცერთ შემთხვევაში არ შევეგუებით და გავაგრძელებთ პროტესტს.
საარჩევნო კომისიის ადმინისტრაციის წარმომადგენლებს, მოვუწოდებ, დაწერონ განცხადება, დატოვონ საკუთარი თანამდებობები და ნუ აწერენ ხელს, უარი თქვან გაყალბების იმ უზარმაზარ მექანიზმზე, რომელიც „ქართულმა ოცნებამ“ ჩამოაყალიბა. ჩვენ ვაპირებთ ბრძოლას ბოლომდე და ამ ბრძოლაში აუცილებლად გავიმარჯვებთ,“ – განაცხადა გიორგი ვაშაძემ.
ინფორმაციას “სტრატეგია აღმაშენებლის” პრესსამსახური ავრცელებს
“ნაციონალური მოძრაობის” ლიდერები და მხარდამჭერები თბილისში დღეს რამდენიმე ადგილას საპროტეტსო აქციებს მართავენ. ისინი ავტომობილებით ე.წ. მოდულის შენობიდან რესპუბლიკის მოედნის გავლით, ბიძინა ივანიშვილის ბიზნეს ცენტრისკენ გაემართნენ.
აქტივისტების თქმით, ივანიშვილის რეზიდენციასთან, სადაც აქციას მართავენ, გასროლის ხმა იყო. როგორც ჟურნალისტებს აქტივისტმა ბესიკ გაზდელიანმა განუცხადა, სროლის ხმა დაახლოებით ხუთჯერ, აქტივისტების დასაშინებლად გაისმა. შემთხვევის ადგილზე, გასროლილი მასრები ყრია ასფალტზე, რომელიც პოლიციამ ყვითელი ლენტით შემოსაზღვრა:
„იყო ჩვეულებრივი ქოცი ან პოლიციელი, ბიძინა ივანიშვილის მხარდამჭერი, როგორც ლოგიკურად შესაძლებელია ივარაუდო, ჩვენი პროტესტანტების დასაშინებლად გაისროლეს, გასროლა განხორციელდა იარაღიდან მიყოლებით 5-ჯერ, ამ ყველაფრის ნახვის საშუალება აქვს კამერას, რომელიც ყოველ ნაბიჯზეა”, – განაცხადა ბესო გაზდელიანმა ჟურნალისტებთან.
იხილეთ ინტერნეტ მედია ჰოლდინგ პარალელის პირდაპირი ჩართვა
ავტორი
ემილი ფეიქრიშვილი
საკოორდინაციო საბჭოს სხდომის შემდეგ მთავრობის ადმინისტრაციაში ბრიფინგი გამართა ამირან გამყრელიძემ და საზოგადოებას კოვიდინფიცირების ახალი ანტირეკორდული მაჩვენებლი გააცნო. მან ასევე ყურადღება გაამახვილა ანტიგენზე დამყარებული სწრაფი ტესტების გამოყენების მნიშვნელობაზე:
‘‘თქვენ ყველა კარგად ხედავთ, თუ რა მდგომარეობაა მთლიანად მსოფლიოში. ახალი შემთხვევების რიცხვი ბოლო ერთი დღის განმავლობაში ანტირეკორდული, 571 ათასი იყო და ცოტა მეტი, სულ დაინფიცირებული 48 მილიონიდან 1230000-მდე სამწუხაროდ გარდაცვლილია. ჩვენ ქვეყანაში დილით გვაქვს ანტირეკორდული მაჩვენებელი, 2401 ახალი შემთხვევა, ბოლო 24 საათის განმავლობაში. აქედან, ყველაზე ბევრი თბილისში 976, 328 – აჭარაში, 368 – იმერეთში, სამეგრელოში მომატებულია 280, შიდა ქართლში 135, 61 ქვემო ქართლში, სამცხე-ჯავახეთში 55, რაჭა-ლეჩხუმ-ქვემო სვანეთში – 35, მცხეთა-მთიანეთში 31, 70 კახეთში, ხოლო გურიაში 62 დაინფიცირებული. სამწუხაროდ, იცით რომ გვაქვს 401 გარდაცვალება, რომელიც ინფიცირებულთან მიმართებაში 0,81 პროცენტია, პლუს 20-ია 24 საათის განმავლობაში. აქტიური შემთხვევა ქვეყანაში არის 15 332, ანუ ესენი ინფიცირებული პაციენტები არიან საავადმყოფოებში, ასევე კოვიდ-სასტუმროებსა და ბინებაზე სამკურნალოდ.
მონიტორინგისთვის გუშინ ქვეყანაში ჩატარდა 11808 PCR ტესტი, დაახლოებით 1000-მდე ანტიგენტზე დამყარებული. ასევე გამოვიდა მთავრობის ახალი დადგენილება, რომლის მიხედვითაც უფრო გაფართოვდება არეალი ანტიგენზე დამყარებული სწრაფი ტესტების გამოყენებისა, რადგან მოგეხსენებათ, ბევრი ადამიანი მიმართავს საავადმყოფოებს რესპირაციული სიმპტომებით, რომელიც შეიძლება იყოს კოვიდი, ან სხვა ვირუსით გამოწვეული, ამიტომ სწრაფ დიფერენცირებას ძალიან დიდი მნიშვნელობა აქვს, ამიტომ უკვე ჩვენ გვაქვს შესაბამისი მარაგი და ჯანმრთელობის მსოფლიო ორგანიზაციის პროტოკოლშიც შევიდა ცვლილებები, რომ ანტიგენზე დამყარებული სწრაფი ტესტები, რომელიც არის ჯანმრთელობის მსოფლიო ორგანიზაციების დამტკიცებული, შეიძლება მისი საშუალებით ჩავანაცვლოთ PCR ტესტიც. პირველ რიგში ტესტები დარიგდება მოშორებულ რეგიონებში, სადაც პისიარ ლაბორატორიები არ გვაქვს, მაგალითად, სამცხე-ჯავახეთის მოშორებულ რეგიონებში, სვანეთის, რაჭა-ლეჩხუმის და ა.შ. სადაც სწრაფი დიაგნოსტიკა გვჭირდება.
ყველა დიდ საავადმყოფოს ექნება სადიაგნოსტიკო საშუალებები, რომ მოხერხდეს დიფერენცირება, ასევე იქნება შეძენილი გრიპის სწრაფი ტესტები დიაგნოსტიკისთვის.
აქვე მნიშვნელოვანია გზავნილი, რომელსაც ხშირად ვაჟღერებთ, ინფიცირებული შეიტყობს თუ არა, რომ ის ინფიცირებულია და დაუყონებლივ გადადის თვითიზოლაციაში, ურეკავს ოჯახის ექიმს ან 112-ს და შემდგომ მათი რეკომენდაციებით მართავს სიტუაციას’’, – განაცხადა ამირან გამყრელიძე.
ავტორი
ანა რობაქიძე
საკორდინაციო საბჭოს სხდომაზე, ვიცე-პრემიერმა, რეგიონული განვითარებისა და ინფრასტრუქტურის მინისტრმა მაია ცქიტიშვილმა მიმდინარე მოვლენებზე ისაუბრა და განაცხადა თუ რა დამატებითი ღონისძიებების დაწესებაა შესაძლებელი კორონავირუსის გავრცელების თავიდან ასაცილებლად:
„ახალი მონაცემებით, ისევე როგორც მთელი მსოფლიო, ჩვენც შევდივართ ახალ ფაზაში. დღეს დაფიქსირდა 2400 შემთხვევა. გასაგებია, რომ პოლიტიკური პროცესი ჩვენს ქვეყანაში ძალიან აქტიურად მიმდინარეობს, თუმცა ხშირ შემთხვევაში ჩვენ ვხედავთ, რომ ეს პროცესები ყოველგვარი წესების დაცვის გარეშე მიმდინარეობს და ბუნებრივია ეს ყველაფერი პირდაპირ აისახება ინფიცირებულთა რაოდენობის ზრდაზე.
თუ პოლიტიკური პროცესის ყველა მონაწილემ არ გაიაზრა, რომ მათ პასუხისმგებლობა აქვთ ამ პროცესში და არ დაიწყო ყველა წესის შესრულება, ეს მოგვიტანს ინფიცირებულთა რაოდენობის მკვეთრ ზრდას.
ჩვენთვის აუცილებელია, რომ მოხდეს, მთელი საზოგადოების კონსოლიდაცია, ყველა ჩვენგანის ამოცანაა, რომ დავიცვათ ჩვენი ჯანდაცვის სისტემა, თანამოქალაქეები და ეკონომიკა. ეს ძალიან მარტივია, ჩვენ უნდა დავიცვათ ყველა ის წესი, რომელიც არის დადგენილი და აპრობირებული მთელ მსოფლიოში.
მე შეგახსენებთ, რომ დღეისთვის პირბადის ტარება არის სავალდებულო, როგორც დახურულ სივრცეში ასევე ღია სივრცეებშიც. ასევე ქვეყნის მასშტაბით ყველა რესტორანი და საკვები ობიექტი მუშაობს 22 საათამდე. კვლავ იკრძალება ხალხმრავალი სოციალური აქტივობებისა და ღონისძიებების გამართვა.
რა თქმა უნდა საკორდინაციო საბჭო მსჯელობს იმაზე, თუ რა დამატებითი ღონისძიებები და რა წერტილოვანი შეზღუდვების დაწესება არის შესაძლებელი, რათა გავუმკლავდეთ და შევამციროთ ვირუსის გავრცელება. ეს შეიძლება იყოს სხვადასხვა სახის ღონისძიებები, როგორიც არის საღამოსა და ღამის საათებში გადაადგილების შეზღუდვა. ასევე, შეიძლება უქმე დღეებში, ან კვირის რომელიმე ერთ დღეს, ან სხვადასხვა დასახლებებში როგორც ტრანსპორტის, ისე სხვადასხვა ტიპის სავაჭრო ცენტრის ან სხვადასხვა სახის დიდი გადაადგილების, ბაზრობების ან ბაზრების მუშაობის შეჩერება.
ყველა არის წერტილოვანი ხასიათის ღონისძიება, რომელიც იქნება გამოყენებული იქ და იმ დროს, რომლის აუცილებლობაც იქნება ეპიდემიოლოგიური ვითარებიდან გამომდინარე“ – განაცხადა მაია ცქიტიშვილმა.
ავტორი
ნუცა ჯოხაძე
საქართველოს ფინანსთა მინისტრმა ივანე მაჭავარიანმა საკოორდინაციო საბჭოს სხდომაზე განაცხადა, რომ ქვეყნის ეკონომიკური მდგომარეობა დამაიმედებელია, რადგანაც სექტემბრის მონაცემებით მხოლოდ 0,7 %-ით შემცირდა. ასევე, მან აღნიშნა, რომ covid-19-ის გამო 2021 წელსაც იქნება ისეთივე საბიუჯეტო ფილოსოფია, როგორიც იყო 2020 წელს:
,,პოლიტიკური პროცესები, რომლებიც დღეს მიმდინარეობს და ხასიათდება რადიკალიზმით, შეუძლებელია არ ასახულიყო ლარის კურსზე. ამ მომენტისთვის არ არის არანაირი ობიექტური პირობა იმისა, დღეს რა მერყეობასაც ვხედავთ. ეს არის გამოწვეული იმ რადიკალიზმით და პოლიტიკური ვითარებით, რაც ჩვენს ქვეყანაშია. ეს დაძაბულობა ხელს უწყობს ვირუსის უფრო გავრცელებას.
რაც შეეხება ეკონომიკის ფუნდამენტურ მაჩვენებლებს, ცოტა ხნის წინ საქსტატმა გამოაქვეყნა სექტემბრის შედეგები, რომელიც იყო საკმაოდ დამაიმედებელი. ეკონომიკა შემცირდა მხოლოდ და მხოლოდ 0.7%-ით.
აღდგენის პროცესი დაწყებულია. სახელმწიფოს ხარჯვითი ნაწილი არ შეუმცირებია, არამედ სწორი მიმართულებით გამოიყენა. ეს აღიარებულია ყველა საერთაშორისო ორგანიზაციის მიერ. ის ზომები, რომლებიც იყო მიღებული გაზაფხულიდან დღემდე, თუ სად რამდენი დავხარჯეთ, იყო ადეკვატური.
ამჟამად, ძალიან მნიშვნელოვანი მოლაპარაკებები დასრულდა სავალუტო ფონდთან. ამ დღეებში გამოქვეყნდება პრესრელიზიც.
ჩვენ შეთანხმებას მივაღწიეთ 2021 წლის სავალუტო საბიუჯეტო პარამეტრებზე. ყველას გვეგონა რომ 2021-ს დავარქმევდით პოსტკოვიდს, პოსტკრიზისულ წელს, შესაბამისად იქნებოდა ეკონომიკის უფრო მეტ სტიმულზე ლაპარაკი, სამწუხაროდ, ეს არ მოხდა. პრაქტიკულად ჩვენ გვექნება ისევ ისეთი საბიუჯეტო ფილოსოფია, როგორიც იყო 2020 წელს“, – განაცხადა ივანე მაწავარიანმა.
ავტორი
ნინი ხიჯაკაძე
“ლელო საქართველოსთვის” ერთ-ერთი ლიდერის, ლევან კობერიძის განცხადებით „ოცნება“ დაკავებულია ადამიანების გატაცებით, ეს ტერორიზმთან გათანაბრებული მოვლენაა, როცა ხელისუფლება ადამიანებს იტაცებს. მისი თქმით ჩრდილოეთ კორეის მაგალითია, სადაც პარტია წყვეტს, როგორ უნდა მოიქცეს ცესკო. მან დღევანდელ ბრიფინგზე საოლქო საარჩევნო კომისიებში გუშინ განვითარებული მოვლენები შეაფასა და აღნიშნა, რომ „ლელო“ მოქალაქეების ხმების დასაცავად ყველა კანონიერ გზას გამოიყენებს:
„გუშინ ჩვენ დავინახეთ კიდევ ერთი თვალნათელი მაგალითი, როდესაც პარტიული და სახელმწიფო სტრუქტურები ქვეყანაში რეალურად აღრეულია. პრაქტიკულად, პარტია იძლევა დავალებებს ნებისმიერი სახელმწიფო სტრუქტურის მიმართ. ეს არის ჩრდილოეთ კორეის მაგალითი, როდესაც პარტია წყვეტს, როგორ უნდა მოიქცეს ცესკო. ეს კიდევ ერთი დადასტურებაა, იმ ფაქტის, რაც ჩვენი სტრატეგიული პარტნიორის, აშშ-ის საელჩოს განცხადებაში მკაფიოდ ხაზგასმული იყო, როგორც ძალიან დიდი პრობლემა და წუხილი, რომ საქართველოში პარტიასა და სახელმწიფო სტრუქტურებს შორის რეალურად ზღვარი წაშლილია.
რა მივიღეთ ჩვენ გუშინ? ის, რომ პარტიული დავალების საფუძველზე ძალიან სწრაფად თქვეს უარი ყველა იმ საჩივარზე, რაც უკავშირდებოდა უბნების გახსნას და ხმების გადათვლას. გადაგვამისამართეს სასამართლოში. იმ სასამართლოში, ჩინჩალაძე-მურუსიძის სასამართლოში, რომელსაც ვერანაირად ვერ ექნება პრეტენზია სამართლიან სასამართლოზე. ამ სასამართლოს გამო დავტოვე თავის დროზე „ქართული ოცნება“, რადგან ვიცოდი, რომ სწორედ აქ მოვიდოდა დღეს ეს წერტილი, როდესაც ამ არასამართლიანმა სასამართლომ და კლანმა უნდა სცადოს და უნდა გაამაყაროს „ქართული ოცნების“ გაყალბებული არჩევნები. თუმცა, პირდაპირ მინდა გითხრათ, რომ ეს არ გაუვათ!
რაც ხდება, ეს არის არა ადამიანების ხმების მიტაცება, არამედ – პირდაპირ ადამიანების გატაცება. დღეს „ქართული ოცნება“ რეალურად დაკავებულია ადამიანების გატაცებით, ეს არის ტერორიზმთან გათანაბრებული მოვლენა. ეს არ არის უბრალოდ ხმები, ამ ხმების უკან არიან კონკრეტული ადამიანები, კონკრეტული ოჯახები“, – განაცხადა ლევან კობერიძემ.
ავტორი
ემილი ფეიქრიშვილი
პოლიტიკური პლატფორმა „სტრატეგია აღმაშენებლის“ პოლიტსაბჭოს წევრმა, პარტიის საარჩევნო და სამათლებრივი საკითხების მიმართულების ხელმძღვანელმა, ანა კობახიძემ კონკრეტული უბნების მაჩვენებლებსა და ოქმებზე დაკვირვების საფუძველზე კონკრეტულ დარღვევებზე საუბრობს. კერძოდ აცხადებს, რომ ოქმებში არსებული მონაცემების შესაბამისადაც კი არაა შეყვანილი ცესკოს ბაზაში ცალკეული მონაცემები:
,,ზესტაფონის 44-ე უბანზე აღმოვაჩინეთ, რომ გვაქვს 0 ხმა, შემდეგ გადავდივართ ოქმზე და ვხდევათ, რომ დაფიქსირებულია 27 ხმა“ – განაცხადა ანა კობახიძემ.
შეგახსენებთ, რომ ოპოზიციური პარტიების მიერ შექმნილი იყო ე.წ. ხმების დათვლის შტაბი, სადაც გაერთიანებულიუ იყო ყველა ის პოლიტიკური პლატფორმა, რომლებიც ,,ქართული ოცნებისა“ და ბიძინა ივანიშვილის მხარეს არანაირ შემთხვევაში არ გადავიდოდნენ. არჩვენების დღისთვის გაიხსნა საიტი 31.ge, სადაც შესაძლებელი იყო აეტვირთათ უბნებში დაფიქსირებული დარღვევები.
ავტორი
ნინი ხიჯაკაძე
„დღეს ჩვენ გვყავს ოპოზიცია, რომელსაც არ უნდა, რომ იყოს ოპოზიცია, არჩევნების შედეგების მიუხედავად და ამ ოპოზიციაში გვყავს ისეთი ძალა, „ნაციონალური მოძრაობა“, რომელიც ამბობს, რომ დემოკრატიული არის მხოლოდ ის არჩევნები, სადაც ისინი გაიმარჯვებენ“,- ამის შესახებ საქართველოს პარლამენტის თავმჯდომარემ რადიო „იმედის“ პირდაპირ ეთერში განცხადა.
არჩილ თალაკვაძემ 31 ოქტომბერს ჩატარებული საპარლამენტო არჩევნების მნიშვნელობაზე ისაუბრა. მისი თქმით, იმისთვის, რომ საქართველოს ახალი პარლამენტო პლურალისტური, პოლიტიკურად უფრო სტაბილური და მრავალფეროვანი ყოფილიყო, მმართველმა გუნდმა ფუნდამენტური დემოკრატიული რეფორმები გაატარა.
„ეს რეფორმები გატარდა საკონსტიტუციო რეფორმის ფარგლებში, შემდეგ ჩვენ შევცვალეთ საარჩევნო სისტემა – პირველად საქართველოს უახლეს ისტორიაში სწორედ „ქართულმა ოცნებამ“ ხელისუფლებაში ყოფნის დროს შეცვალა საარჩევნო სისტემა. სხვა არცერთ ხელისუფლებას, მიუხედავად იმისა, რომ ისინი ოპოზიციაში გადასვლის შემდეგ აქტიურად ითხოვდნენ მერე უკვე ასეთი ცვლილებების გატარებას, არ გაუტარებია და არ გაუკეთებია ასეთი რეფორმები. თუმცა, ოპოზიციის ეს რადიკალური ნაწილი კიდევ უფრო ღრმად შევიდა საკუთარ პოლიტიკურ ტყუილში და მათ არც ოპოზიციაში ყოფნის დროს არ დაუჭირეს მხარი ამ ცვლილებებს. შეგახსენებთ, რომ ისინი საზოგადოებას ეუბნებოდნენ გარეთ, ეთერების საშუალებით, რომ ძალიან უნდოდათ არსებითად პროპორციული სისტემა, მაგრამ როდესაც საქმე საქმეზე მიდგა პარლამენტში, მათ არც ამ კენჭისყრაზე არ დაუჭირეს მხარი ამ დემოკრატიულ ცვლილებებს. შედეგად მერე მოხდა ის, როგორც ჩვენ წინასწარ ვამბობდით, რომ ოპოზიციაში არის დესტრუქციული ძალა „ნაციონალური მოძრაობა“ და მისი დანამატები, დანაყოფები, რომელთაც არ სურდათ ქვეყანაში დემოკრატიული არჩევნები და ეს მათთვის იყო მხოლოდ ლოზუნგები, სინამდვილეში ისინი არ უჭერდნენ მხარს რაიმე ტიპის გადაწყვეტილებები მიღებულიყო არჩევნებით. მათ არაერთხელ სცადეს საარჩევნო ყუთის გვერდის ავლით მიეღწიათ რაიმე ცვლილებისთვის ამ ქვეყანაში, თუმცა, საზოგადოებამ მაშინაც და დღესაც მკაფიოდ დააფიქსირა, რომ მას გადაწყვეტილებების მიღება სურს მხოლოდ საარჩევნო ყუთის საშუალებით. ჩვენ წინასწარ ჩავატარეთ არაერთი ბრიფინგი, სადაც ვთქვით, რომ „ნაციონალური მოძრაობა“ აპირებდა არჩევნების დისკრედიტაციას, ეს იყო ყალბი სადამკვირვებლო ორგანიზაციების რეგისტრაცია, ეს იყო დაგეგმილი პროვოკაციები უბნებზე, ხელმოწერები, ბიულეტენები თუ სხვა ტექნიკური პოლიტიკური ტრიუკები, რაც მათ აპრობირებული ჰქონდათ წარსულში, მათ ყველაფერი დაგეგმეს იმისთვის, რომ არჩევნებისთვის როგორმე ჩრდილი მიეყენებინათ.
მთავარი არის ის, რომ მიუხედავად პანდემიისა, ორ მილიონამდე ჩვენი ქვეყნის მოქალაქე მოვიდა არჩევნებზე, მათ გააკეთეს თავისი არჩევანი და ამით დააფიქსირა ჩვენმა საზოგადოებამ ურყევი ნება, რომ ქვეყანაში დემოკრატიული განვითარების პროცესი უნდა გაგრძელდეს და მხოლოდ არჩევნებით უნდა მოხდეს გადაწყვეტილებების მიღება.
სამწუხაროა, რომ დღეს ჩვენ გვყავს ოპოზიცია, რომელსაც არ უნდა, რომ იყოს ოპოზიცია და ამ ოპოზიციაში გვყავს ისეთი ძალა, „ნაციონალური მოძრაობა“, რომელიც ამბობს, რომ დემოკრატიული არის მხოლოდ ის არჩევნები, სადაც ისინი გაიმარჯვებენ. სხვა არცერთ არჩევნებს ისინი დემოკრატიულად არ აღიარებენ, გახსოვთ მათი მოწოდებები შუალედურ არჩევნებში სამეგრელოში, როდესაც ამბობდნენ, რომ ქვეყანა უნდა ავადუღოთ აქედან, გახსოვთ მათი მოწოდებები, რომ ავისხათ იარაღი, გახსოვთ მათი ძალადობრივი შეტევა პარლამენტზე, შესაბამისად, რასაც დღეს ჩვენ ვხედავთ, ეს არის ამ ხაზის გაგრძელება, ეს არის დესტრუქციული პოლიტიკური ძალა და დღეს ეს ძალა – „ნაციონალური მოძრაობა“ და მიხეილ სააკაშვილი ახორციელებენ პოლიტიკურ შანტაჟს სხვა პოლიტიკურ პარტიებზე. მათ აქვთ სერიოზული პრობლემა მომავლის განვითარებისთვის, ვინაიდან პირველად მოხდა, როდესაც საპარლამენტო არჩევნებში „ნაციონალური მოძრაობის“ ქოლგის გარეშე სხვა ოპოზიციურმა პარტიებმა, დამოუკიდებლად გადალახეს ბარიერი და შევიდნენ საქართველოს პარლამენტში. ეს ნიშნავს, რომ ისინი თუ პარლამენტში პოლიტიკურ პროცესში ჩაერთვებიან, მიიღებენ საკმაოდ სოლიდურ დაფინანსებას, 4 წლის განმავლობაში, უკეთ მოემზადებიან 2024 წლის არჩევნებისთვის“,- განაცხადა არჩილ თალაკვაძემ.
ინფორმაციას საქართველოს პარლამენტის პრესსამსახური ავრცელებს
საინფორმაციო-ანალიტიკური სააგენტო “პარალელი” არის ახალი სიტყვა ქართულ ინტერნეტ-მედიაში და ეს სიტყვა იქნება მაქსიმალურად ობიექტური, მიუკერძოებული, მრავალფეროვანი, ამასთან ჩვენი მასალები მომზადებული იქნება უდიდესი პასუხისმგებლობის გრძნობით, რასაც ყოველ პუბლიკაციაში დაინახავთ.
© 2018-2025 სააგენტო "პარალელი". ყველა უფლება დაცულია. სააგენტოს მასალების გამოყენების პირობები