პარლამენტის ფრაქცია ,,ერთიანი ნაციონალური მოძრაობა – ძალა ერთობაშიას” თავმჯდომარე თინათინ ბოკუჩავა ჟურნალისტებთან კომენტარს აკეთებს ევროპარლამენტში დამტკიცებული რეზოლუციის შესახებ:

,,რუსული კანონის რეინიცირება საფრთხეს უქმნის ჩვენი ქვეყნის ევროინტეგრაციას, რაც კიდევ ერთხელ დამტკიცდა იმ რეზოლუციით, რომელიც ევროპარლამენტმა მიიღო, სადაც, მათ შორის, შესწორების სახით შევიდა ივანიშვილის წინააღმდეგ პერსონალური სანქციების საკითხი, რაც ცხადყოფს, რომ ყველას ძალიან კარგად ესმის, ივანიშვილი და მისი პარტიის წევრები არიან პირადად პასუხისმგებელი საქართველოს ევროპული მომავლის საბოტაჟზე და შესაბამისად, ევროპის უმაღლესი საკანონმდებლო ორგანო ითხოვს პერსონალური სანქციების დაწესებას’’, – განაცხადა თინათინ ბოკუჩავამ

ინფორმაციისთვის: ევროპარლამენტმა მიიღო რეზოლუცია საქართველოს შესახებ, რომლის მიხედვითაც ითხოვენ ბიძინა ივანიშვილის დასანქცირებას, საქართველოს მესამე პრეზიდენტის, მიხეილ სააკაშვილის გათავისუფლებას და ვიზალიბერალიზაციის გადახედვას. ე.წ. რუსული კანონის მიღების შემთხვევაში კი ქვეყანა ვერ გადავა ევროკავშირში გაწევრიანების მოლაპარაკების ეტაპზე.

ავტორი
მარიამ ხაჩირაშვილი

“ყველამ უნდა იცოდეს, რომ 29 აპრილის აქციაზე ხელისუფლების ერთადერთი მიზანია ამოეფარონ იქ მისული ადამიანების სახელებს და სახეებს და მათი ჩართულობით ჩაიდინონ უდიდესი ღალატი”, – ამის შესახებ “სტრატეგია აღმაშენებლის” გენერალურმა მდივანმა პაატა მანჯგალაძემ განაცხადა

მანჯგალაძის თქმით ყველა საჯარო მოხელემ თუ სხვა პირებმა ვინც აპირებენ 29 აპრილის აქციაზე მისვლას ეს არის ღალატში თანამონაწილეობა რომლის ჩადენაც განიზრახა ივანიშვილმა და მისმა ხელისუფლებამ:

“ევროპული რეზოლუციის მიღების შემდეგ სადაც პირდაპირ ჩაიწერა, რომ რუსული კანონის მიღების შემთხვევაში მოლაპარაკებები საქართველოს ევროკავშირში გაწევრიანების შესახებ არ გაიხსნება, გარდა ამისა შეიძლება მოხდეს საქართველოსთვის მინიჭებული უვიზო მიმოსვლის საკითხის გადახედვა ნათელი დადასტურებაა ხელისუფლების მხრიდან საქართველოს ეროვნული ინტერესების ღალატის.

შესაბამისად, ყველამ უნდა იცოდეს, რომ 29 აპრილის აქციაზე ხელისუფლების ერთადერთი მიზანია ამოეფარონ იქ მისული ადამიანების სახელებს და სახეებს და მათი ჩართულობით ჩაიდინონ უდიდესი ღალატი. სწორედ ამიტომ მინდა იცოდეს ყველა საჯარო მოხელემ თუ სხვა პირებმა ვინც აპირებენ 29 აპრილის აქციაზე მისვლას, ეს არ არის უბრალოდ თბილისში გასეირნება გზაში მწვადის საჭმელად, ეს არის ღალატში თანამონაწილეობა რომლის ჩადენაც განიზრახა ივანიშვილმა და მისმა ხელისუფლებამ.

ხელისუფლების აქციაზე მისვლა ნიშნავს თანხმობას საკუთარი შვილების უკეთესი მომავლის მოსპობაზე, ეს ნიშნავს თანხმობას საქართველოს გაწირვაზე სიღარიბისთვის, უმუშევრობისთვის, ეს ნიშნავს თანხმობას საქართველოს ქართველებისგან საბოლოო დაცლაზე.

ამიტომ ყველას ვურჩევ გაიაზრონ ეს საფრთხეები და უარი თქვან ქვეყნის მიზანმიმართულ ღალატში თანამონაწილეობაზე. კი ევროპას! არა რუსულ კანონს! არა რუსულ მთავრობას! გამარჯვება საქართველოს!” – განაცხადა მანჯგალაძემ.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს

ყოფილი პრემიერ-მინისტრი, პარტია ,,საქართველოსთვის” თავმჯდომარე, გიორგი გახარია Facebook-ის გვერდზე წერს იმ პრობლემებზე, რომლებიც საქართველოს ევროპულ გზასთან ინტეგრაციისთვის შესაძლოა დამაზიანებელი იყოს:

,,დღეს ჩვენ გვაქვს ორი პრობლემა. ეს არის ,,ოცნება”, რომელიც ცდილობს, თავს მოახვიოს საქართველოს მოქალაქეებს ეს გაუგებარი ,,რუსული კანონი” და მეორე მხარეს, რადიკალური ოპოზიციის ის ფრთა, რომელიც შეიძლება შეეცადოს, რომ ეს სწორ ფასეულობებზე დაფუძნებული საპროტესტო ტალღა და მუხტი, გამოიყენოს პროცესების რადიკალიზაციისთვის.

ევროპაში ვერავინ გაგვცემს პასუხს, რა უფრო დააზიანებს საქართველოს ევროპულ პერსპექტივას, ეს ,,რუსული კანონი” თუ ნებისმიერი სამოქალაქო დაპირისპირება თბილისის ქუჩებში.

ამიტომ უნდა გვესმოდეს, რომ ყველა კეთილსინდისიერი, საქართველოს ევროპელი მოქალაქის მთავარი ამოცანა უნდა იყოს, დავიცვათ ქვეყანა, პირველ რიგში – ,,რუსული კანონისგან” და დავიცვათ ქვეყანა სამოქალაქო დაპირისპირებისგან”, – წერს გიორგი გახარია.

ავტორი
ნინი ხიჯაკაძე

საქართველოს მე-3 პრეზიდენტი, მიხეილ სააკაშვილი სასამართლო პროცესზე, სიტყვით გამოსვლის დროს, ახალგაზრდობას მიმართავს:

,,მე მინდა მივმართო ჩვენს ახალგაზრდობას, მათ ვინც დაიტაცა დროშა ბრძოლის. იცით რა – თქვენთან ერთად დგანან თქვენი მშობლები. ჩემი შვილი დგას აქციაზე. მეც ვიდგებოდი მასთან ერთად და აუცილებლად დადგება ეს დროც, მაგრამ მე მინდა ვთქვა, რომ თქვენც გეყოლებათ თქვენი შვილები, მათ ეყოლებათ შვილები, იმათ ეყოლებათ კიდევ შვილები და მინდა გითხრათ, რომ თქვენს შვილთაშვილებს მოუყვებით სიამაყით, რომ როდესაც საქართველოს ყველაზე მეტად გაუჭირდა, როდესაც საქართველოს ყველა დიდი საფრთხე დაემუქრა, სწორედ თქვენ, ქართველმა ახალგაზრდებმა, მაშინ ახალგაზრდებმა, გადაარჩინეს საქართველო, მისი სახელმწიფოებრიობა და საქართველო არის თავისუფალი და წარმატებული. სწორედ იმის გამო, რომ თქვენ არ იყავით გულგრილები.

მინდა გითხრათ, რომ მეც თავის დროზე ვიყავი პირველ მიტინგზე, რომელიც იყო 1988 წელს, ერთ-ერთი პირველი მიტინგი, შემდეგ ვმონაწილეობდი უკრაინაში სტუდენტურ რევოლუციაში, რომელმაც უკრაინას, საბოლოო ჯამში, მოუტანა დამოუკიდებლობა. მე ამით ძალიან ვამაყობ.

მე ვამაყობ თითოეული თქვენგანით. იმიტომ, რომ თქვენ ძალიან მაგრები ხართ! თქვენ ყველა ჩვენგანზე უფრო მაგრები ხართ! ბოდიშით, თუ დაგაკელით კიდევ რაღაცა.

მე ყველაფერი გავაკეთე იმისათვის, რომ გამომეყვანეთ რუსული გავლენის სფეროდან, თქვენ გაზრდილიყავით არაკორუმპირებულ გარემოში და არ გქონოდათ ელემენტარული რაღაცების ნაკლებობა. ელემენტარული რაღაცები, რამაც 90-იან წლებში ბოლო მოუღო საქართველოს – უშუქობა, უწყლობა, სიცივე და უბრალოდ, შიმშილი.

პირველად მე აღვმართე ევროპის დროშა და მაშინ ბევრი დამცინოდა – ,,რა შუაშია ევროპა და საქართველოო?!” ახლა ჰკითხეთ ჩვენ ახალგაზრდობას?!

ის ერთი დროშა, რომელიც მაშინ აღვმართეთ, 2004 წელს ჩემს ინაუგურაციაზე, ახლა გახდა მრავალი ათასი დროშა, რომელიც თქვენს ხელებში ფრიალებს და თქვენს გულშია…”, – განაცხადა მიხეილ სააკაშვილმა.

ავტორი
ნინი ხიჯაკაძე

„არავინ ეწევა ისეთ დისკრედიტაციას ევროპული მომავლის და ევროკავშირის, როგორც ეს კონკრეტული ევროპარლამენტარები“, – ასე გამოეხმაურა თბილისის მერი კახა კალაძე გამჭვირვალობის კანონპროექტთან დაკავშირებით, ევროპარლამენტში სხვადასხვა პოლიტიკური ჯგუფის მიერ მომზადებულ რეზოლუციას.

მისივე განმარტებით, მსგავსი რეზოლუციები კონკრეტული მოთხოვნებით წინა თვეებშიც მომზადებულა, საბოლოოდ კი მას არანაირი ფასი არ გააჩნია.

„არავინ ეწევა ისეთ დისკრედიტაციას ევროპული მომავლის და ევროკავშირის, როგორც ეს კონკრეტული ევროპარლამენტარი. თუმცა, ისიც ვიცით, როგორ ხდება ამ რეზოლუციების მიღება. ალბათ, ცოტა ხანში FARA-ს დოკუმენტში ყველაფერი ასახული იქნება და საზოგადოებაც გაიგებს ამას. გვახსოვს ჩვენ ის რეზოლუციებიც, რომლითაც მოგვიწოდებდნენ, რომ თუ სააკაშვილი არ გათავისუფლდებოდა სანქციების არ მივუერთდებდით, თუ მეორე ფრონტი არ გაიხსნებოდა, ვერ მივიღებდით კანდიდატის სტატუსს, დავშორდებოდით დემოკრატიულ ღირებულებებს და ა.შ. ვიცით ამ ყველაფერს რისთვის აკეთებენ“, – განაცხადა კახა კალაძემ.

თბილისის მერის თქმით, მსგავსი რეზოლუციები ევროპული ფასეულობებისგან შორს დგას.

„გამჭვირვალობის შესახებ“ კანონპროექტი არის ქართული, დემოკრატიული კანონი, რაც ითხოვს მხოლოდ დეკლარაციის წარდგენას წელიწადში ერთხელ, ისე, როგორც ეს თანამდებობის პირებს მოეთხოვებათ. ჩვენი ქვეყნის მოსახლეობამ უნდა იცოდეს, რომელი ორგანიზაცია საიდან ფინანსდება. ჩვენ ვიცავთ ჩვენს ქვეყანას, მშვიდობას, ხვალინდელ დღეს. ძლიერი სუვერენიტეტით გვინდა ევროპული მომავალი. ის, რასაც დღეს ვისმენთ ამ რეზოლუციებით, ძალიან დაშორებულია ევროპულ ღირებულებებს“, – აღნიშნა კახა კალაძემ.

ინფორმაციას თმილისის მერიის პრესცენტრი ავრცელებს

“მოვუწოდებ ხელისუფლებას, გაიწვიოს რუსული კანონი და თავი დაანებოს საქართველოს ევროპული გზის მიზანმიმართულ საბოტაჟს”, – ამის შესახებ “სტრატეგია აღმაშენებლის” გენერალურმა მდივანმა პაატა მანჯგალაძემ განაცხადა

მანჯგალაძის თქმით მაშინ როცა საქართველოს უკვე შესრულებული უნდა ჰქონდეს 9 პირობა და ევროპარლამენტში განიხილებოდეს საქართველოს ევროკავშირში დაჩქარებული წესით გაწევრიანების საკითხი, „ქართულმა ოცნებამ“ ყველაფერი გააკეთა იმისთვის, რომ ეს არ მომხდარიყო:

“მაშინ როცა საქართველოს უკვე შესრულებული უნდა ჰქონდეს 9 პირობა და ევროპარლამენტში განიხილებოდეს საქართველოს ევროკავშირში დაჩქარებული წესით გაწევრიანების საკითხი, „ქართულმა ოცნებამ“ ყველაფერი გააკეთა იმისთვის, რომ ეს არ მომხდარიყო და მიზანმიმართული ანტიდასავლური, ანტიქართული ქმედებებით მიაღწია იმას, რომ დღეს ევროპარლამენტში დღის წესრიგში დგას ქართველი ხალხის მიერ უკვე მოპოვებული შედეგების გადახედვის საკითხი.

ამ ყველაფერს „ქართული ოცნება“ აკეთებს მიზანმიმართულად, რომ საქართველო დატოვონ მეგობრებისა და პარტნიორების გარეშე რათა გაიხანგრძლივონ ხელისუფლებაში ყოფნის დრო და ხალხის ძარცვის უფლება, ამას აუცილებლად უნდა მოყვეს ივანიშვილისა და 83 დეპუტატის მიმართ სანქციები.

გამოცდილია, ვინც ღიად დაუპირისპირდა საქართველოს ისტორიულ არჩევანს, ევროპულ პერსპექტივას აღმოჩნდა პოლიტიკურ სანაგვეზე, იგივე ელოდება „ქართულ ოცნებასაც“.

მოვუწოდებ ხელისუფლებას, გაიწვიოს რუსული კანონი და თავი დაანებოს საქართველოს ევროპული გზის მიზანმიმართულ საბოტაჟს”, – აცხადებს პაატა მანჯგალაძე.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს

გარემოს ეროვნული სააგენტოს ინფორმაცია 26-29 აპრილს საქართველოში მოსალოდნელი ამინდის შესახებ:

🌦 26 აპრილს საქართველოში შენარჩუნებული იქნება ცხელი და უმეტესად უნალექო ამინდი, ხოლო 27-29 აპრილს სითბოს ფონზე ზოგან ხანმოკლე წვიმა და ელჭექია მოსალოდნელი, შესაძლებელია სეტყვაც.

☀️ ქ. თბილისში შენარჩუნებული იქნება თბილი და უნალექო ამინდი. ჰაერის ტემპერატურა დღისით +29, +31 გრადუსი დაფიქსირდება.

🌊 სანაპირო რაიონებში (ბათუმი, ქობულეთი, ანაკლია, ფოთი): 26 აპრილს შენარჩუნებული იქნება ცხელი ამინდი. ჰაერის ტემპერატურა დღისით +32, +35 გრადუსის ფარგლებში შენარჩუნდება. დღისით მაღალი ტემპერატურის ფონზე შესაძლოა ხანმოკლე წვიმა ელჭექით და ქარის შკვალური გაძლიერება აღინიშნოს. 27-29 აპრილსაც ზოგან იწვიმებს, ჰაერის ტემპერატურა დღისით +23, +28 გრადუსამდე დაიკლებს.

🌦 დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): 26 აპრილს შენარჩუნებული იქნება ცხელი და უმეტესად უნალექო ამინდი, ჰაერის ტემპერატურა დღისით +32, +37 გრადუსის ფარგლებში შენარჩუნდება. 27-29 აპრილს სითბოს ფონზე ზოგან ხანმოკლე წვიმა და ელჭექია მოსალოდნელი, ჰაერის ტემპერატურაც შედარებით დაიკლებს.

🌦 დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო): 26 მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან გაწვიმდება. ჰაერის ტემპერატურა დღისით +27, +32 გრადუსი იქნება.

🌥 დასავლეთ საქართველოს მაღალმთიან რეგიონებში (მესტია, ბახმარო): მოსალოდნელია თბილი და უნალექო ამინდი. 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან გაწვიმდება. ჰაერის ტემპერატურა დღისით +23, +28 გრადუსი იქნება.

☀️ ქართლში (რუსთავი, ბოლნისი, მარნეული, გარდაბანი, გორი, ცხინვალი): შენარჩუნებული იქნება თბილი და უმეტესად უნალექო ამინდი. ჰაერის ტემპერატურა დღისით +29, +31 გრადუსი დაფიქსირდება.

⛈ კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან შესაძლოა ხანმოკლე წვიმა ელჭექით და სეტყვა აღინიშნოს. ჰაერის ტემპერატურა დღისით +30, +32 გრადუსი დაფიქსირდება.

⛈ აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური, დედოფლისწყარო): 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან შესაძლოა ხანმოკლე წვიმა ელჭექით და სეტყვა აღინიშნოს. ჰაერის ტემპერატურა დღისით +25, +30 გრადუსი დაფიქსირდება.

⛈ აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო, დედოფლისწყარო): 26 აპრილს მოსალოდნელია 26 აპრილს მოსალოდნელია უმეტესად უნალექო ამინდი, ხოლო 27-29 აპრილს სითბოს ფონზე ზოგან შესაძლოა ხანმოკლე წვიმა ელჭექით და სეტყვა აღინიშნოს. ჰაერის ტემპერატურა დღისით +20, +25 გრადუსი დაფიქსირდება.

,,ჭავჭავაძის ცენტრის” დამფუძნებელი, ზაზა ბიბილაშვილი Facebook-ის პირად გვერდზე სტატუსს აქვეყნებს, სადაც შეფასება-განმარტებებს აკეთებს ,,ქართული ოცნების” დამფუძნებლის და საპატიო თავმჯდომარის, ბიძინა ივანიშვილის ინიციატივაზე, ევროპის ჩემპიონატში ქვეჯგუფიდან გასვლის შემთხვევაში, საქართველოს ეროვნულ საფეხბურთო ნაკრებისთვის ფულადი ჯილდო გადაეცემასთან დაკავშირებით.

,,ტყუილად ვმსჯელობთ იმაზე, გავა თუ ვერ გავა ნაკრები ჯგუფიდან და, შესაბამისად, მოუწევს თუ არა ოლიგარქს რამის გადახდა.

ლატარიის მოგების შანსი ლამის ნულია, მაგრამ ხომ მაინც ყიდულობს ხალხი ლატარიის ბილეთებს? ილუზიის, მოლოდინის გაჩენაა ამ არაკაცის მიზანი და სანამ ამ მოლოდინის ასრულების თეორიული შანსი არსებობს, მანამ – ანუ ივნისამდე – ბიჭების გაჩუმება უნდა.

ჩემპიონატის დაწყებამდე აქ ყველაფერი დამთავრებული უნდა იყოს: ან ასე, ან – ისე. მერე რა მოხდება, მასაც ჰკიდია და ჩვენც უნდა გვეკიდოს. ქვეყნის ბედი ახლა წყდება”, – წერს ზაზა ბიბილაშვილი.

ავტორი
ნინი ხიჯაკაძე

ელექტროენერგიის გამანაწილებელი კომპანია სააქციო საზოგადოება „თელასის“ მიერ გავრცელებული ინფორმაციით კონკრეტული სამუშაოების გამო:

26 აპრილს ელექტრომომარაგება დროებით შეიზღუდება

ჩუღურეთის რაიონი
გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: თამარ მეფის გამზირის, აღმაშენებლის გამზირის (ნაწილობრივ), რკინიგზის სადგურის მიმდებარე ტერიტორიის, ხუდადოვის, ჩხიკვაძის, მესხის, არგვეთის, ტყეშელაშვილის, მანგლისის, ზაქარაიას, მანჯგალაძის, ქურდიანის, ჩერნიშევსკის, ჯავახიშვილის, არჩილ და გია ქურდიანების, ჩიქობავას, ნეკრასოვის, აბასთუმნის, სამღერეთის, გოგოლის, ჩუბინაშვილის, ფოცხვერაშვილის, თევდორე მღვდლის, კონსტიტუციის და წინამძღვრიშვილის ქუჩების მაცხოვრებლებს.

ნაძალადევის რაიონი
გადაუდებელი სამუშაოების გამო 10:00 საათიდან 17:00 საათამდე შეზღუდვა შეეხება: გურამიშვილის გამზირის (ნაწილობრივ), დიდი ჯიხაიშის, ბენდელიანის, სანერგეს, იმერეთის, ცოტნე დადიანის, წმინდა მელქისედექ I, კავთისხევის, ჭყონდიდელის, დეპოს, მრევლიშვილის, კოხრეიძის, საყვირის, სვანეთის, იფნევის, იფნის, კვერნაულის, ზვარეთის, დვირის და ედისის ქუჩების მოსახლეობას.

საბურთალოს რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: პეკინის გამზირის (ნაწილობრივ), ჭაბუა ამირეჯიბის გზატკეცილის, გმირთა მოედნის მიმდებარე ტერიტორიის, მზიურის მიმდებარე ტერიტორიის, კოსტავას, ბალანჩივაძეების, რამიშვილის, ჩიქოვანის, კუტუზოვის, გამრეკელის, ცაგარელის, ცინცაძის და მიცკევიჩის ქუჩების მოსახლეობას.

გადაუდებელი სამუშაოების გამო 13:00 საათიდან 15:00 საათამდე შეზღუდვა შეეხება: თამარაშვილის და კარტოზიას ქუჩების მოსახლეობას.

გლდანის რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: თიანეთის გზატკეცილის, გლდანის ხევის, სოფელი გლდანის, გაზის დასახლების, ანდრონიკაშვილის, კაჭარავას, ჯანჯღავას და კბილაშვილის ქუჩების მოსახლეობას.

ისნის რაიონი
გადაუდებელი სამუშაოების გამო 11:00 საათიდან 18:00 საათამდე შეზღუდვა შეეხება: თელავის, წინანდლის, კობარეთის და ზურაბიშვილის ქუჩების მოსახლეობას.

დიდუბის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: აღმაშენებლის გამზირის მე-10 კილომეტრის, სამხედრო გზატკეცილის, დიღმის მასივის I კვარტლის, ბოხუას, ტერევერკოვის, ბელიაშვილის, ბერძენიშვილის, ჩაჩუას, ჭიაურელის, ერისთავის, ლუბლიანას, ჯორჯ ბალანჩინის და გოგიძის ქუჩების მოსახლეობას.

გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: დავით აღმაშენებლის გამზირის (ნაწილობრივ), მარშალ გელოვანის გამზირის, მტკვრის მარჯვენა სანაპიროს, დიღმის მასივის II კვარტლის (ნაწილობრივ), ბაქრაძის, უზნაძის, დუმბაძის და დგებუაძის ქუჩების მოსახლეობას.

ვაკის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: ბაგების, წყნეთის გზატკეცილის, ჭავჭავაძის გამზირის (ნაწილობრივ), წყნეთის და ტაბლიაშვილის ქუჩების მოსახლეობას.

გადაუდებელი სამუშაოების გამო 10:00 საათიდან 19:00 საათამდე შეზღუდვა შეეხება: წყნეთის გზატკეცილის, ქობულეთის და შროშის ქუჩების მოსახლეობას.

მთაწმინდის რაიონი
გადაუდებელი სამუშაოების გამო 11:00 საათიდან 15:00 საათამდე შეზღუდვა შეეხება: დაბა წავკისის (ნაწილობრივ), დაბა ტაბახმელას (ნაწილობრივ), კირილე უკლებას, მთაწმინდის, ბესიკის, მოსიძის, ჩიტაძის და კრავეიშვილის ქუჩების მოსახლეობას.

კრწანისის რაიონი
გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: რუსთავის გზატკეცილის, გორგასლის, კოტე აფხაზის, ცინცაძის, ნაკაშიძეების, ავლევის, ყავლაშვილის, ვერცხლის, ოქრომჭედლების და დიუმას ქუჩების მოსახლეობას.

სამგორის რაიონი
ქსელში გადართვების გამო 01:00 საათიდან 04:00 საათამდე შეზღუდვა შეეხება: კახეთის გზატკეცილის (ნაწილობრივ), ვარკეთილის მეტროს მიმდებარე ტერიტორიის, ვარკეთილის IV მიკრორაიონის II რიგის, აგრარული უნივერსიტეტის დასახლების, აეროდრომის დასახლების, ვაზისუბნის დასახლების IV მიკრორაიონის, ჯავახეთის, ჩაჩუას, ხომლელის, ხვედელიძის, კალოუბნის, უძოს, მხარგრძელის, 17 შინდისელი გმირის, შანდორ პეტეფის, რამიშვილის, წულუკიძის, მანდელშტამის, ლაღიძის და ლიზა ნაკაშიძე-ბოლქვაძის ქუჩების მოსახლეობას.

გადაუდებელი სამუშაოების გამო 10:00 საათიდან 18:00 საათამდე შეზღუდვა შეეხება: ვარკეთილი-3 I, V მიკრორაიონების, ვარკეთილის მასივის ზემო პლატოს, აეროდრომის დასახლების, ნავთლუღის დასახლების, მერვე ლეგიონის დასახლების, კახეთის გზატკეცილის, ზემო ალექსეევკის დასახლების, ქვემო ალექსეევკის დასახლების, აეროპორტის დასახლების, ბერი გაბრიელ სალოსის, თრიალეთის, კალოუბნის, შუამთის, ჯავახეთის, ნაკაშიძე-ბოლქვაძის, ჯიქიას, ორბელების, ხარაბაძის, კვაჭანტირაძის, ანდღულაძის, ქობულაძის, კაკაბეთის, წალენჯიხის, ბუკისციხის, კობცოვის, ბეგიაშვილის, ონაშვილის, ანთიმოზ ივერიელის, ტატიშვილის, მანდელშტამის, ლაღიძის, ქიზიყის, იგოთის, ლოლაძის, კაცხის და კაჭარავას ქუჩების მოსახლეობას.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

“ქრონიკა +”-ის მთავარი რედაქტორი სოციალურ ქსელში ლაზარე გრიგორიადისის წინააღმდეგ მობილიზებულ ნეგატიურ კამპანიაზე საუბრობს:

“პირიქეთა ფეისბუქს გადავხედე – სრული მობილიზება აქვთ ლაზარეს წინააღმდეგ!

გამოყრილი ყავთ ტროლ ბოტების მთელი არმიაც!

რეჟიმს აშინებს ყველა და ყველაფერი, რაც წინააღმდეგობას უწევს!
ერთი პატარა ბიჭიც კი!” – წერს ფეისბუქის პირად გვერდზე ელისო კილაძე.