უკრაინაში მებრძოლი ქართველის, ვანო ნადირაძის გარდაცვალების ფაქტს კონკრეტული ფაქტების გახსენებით  და ემოციური შეფასებებით ეხმიანება საქართველოს მე-5 პრეზიდენტი, მიხეილ სააკაშვილი:

“გარდაიცვალა ვანო ნადირაძე, რომელმაც მთელი თავისი ცხოვრება შესწირა თავისუფლებისთვის ბრძოლას, საქართველოში და უკრაინაში.

როცა მე პოროშენკომ უკრაინიდან პოლონეთში გამაძევა, ვანოც გააძევეს უკრაინიდან საქართველოში, მაგრამ ცოტახნის შემდეგ ვანომ მოლდოვის გავლით კვლავ მოახერხა უკრაინაში დაბრუნება და ჩაება აქტიურ ბრძოლაში რუსეთის წინააღმდეგ.

ასეთი იყო ვანო, მუდმივად მოუსვენარი და შეუპოვარი. დიდი დანაკლისია, არამარტო ჩვენი ქვეყნისთვის. ვუსამძიმრებ მის დედას, რომელმაც გმირი შვილი გაზარდა და მისი ოჯახის ყველა წევრს.

ვიდრე საქართველოს ჰყავს მსგავსი გმირები, საქართველო არ დამარცხდება!
დიდება გმირებს! 🇬🇪🇺🇦” – აცხადებს მიხეილ სააკაშვილი.

“კოალიცია ცვლილებებისთვის” ლიდერი, ელენე ხოშტარია, განმარტებებს აკეთებს შიმშილობის დაწყებასთან დაკავშირებით მის მიერ მიღებულ გადაწყვეტილებზე:

“კიდევ ერთხელ მინდა დავაფიქსირო ჩემი პოზიცია როგორც შიმშილობაზე, ასევე პოლიტიკურ ამოცანებზე.

ჩემი შიმშილობა არის განაცხადი:

1. ბრძოლა უნდა გავაგრძელოთ დიდი შემართებით, ამიტომ ეს შემართება ჩემის მხრივ მე ასე დავაფიქსირე;

2. სწორი ბრძოლის სტრატეგია ჩემი აზრით:
– ერთობა რეჟიმთან ართანამშრომლობის იდეის გარშემო;
– ე.წ. არჩევნების დელეგიტიმაცია;
– პოლიტიკური ალტერნატივის შექმნა;
– პროტესტის გაძლიერება ერთიანი საზოგადოებრივი და პოლიტიკური ძალით.

პოლიტიკური პარტიების სიცხადე ბრძოლის სტრატეგიაზე მიმაჩნია გადამწყვეტი, ამ ეტაპზე, რადგან სანამ “ოცნება” შეტევაზეა ჩვენი ბუნდოვანება ნიჰილიზმს აღვივებს.

პრეზიდენტმა ეს სიცხადე 26 მაისს და შემდეგ 5 ივნისს შემოიტანა – არანაირი მოგონილი არჩევნები.

მთელმა რიგმა პარტიებმა პოზიცია დააფიქსირეს. დარჩა პარტიები, ვინც არ დააფიქსირა და მე ველოდები ამ პოზიციას.

შესაბამისად, მე როდის შევწყვეტ შიმშილობას ეს ჩემი პირადი საქმეა და არ ვაპირებ უკან დახევას არცერთი მილიმეტრით.

ჩემ ძვირფას მეგობრებს “ლელოდან” კი მივმართავ, რომ მე შანტაჟის ენით, არა თუ მეგობრებთან არამედ მტრებთანაც არ ვსაუბრობ, არაფერი სამაგისო არ მაქვს.

ვთქვათ ყველამ საკუთარი პოზიცია და ავიღოთ მასზე პასისმგებლობა“, – წერს ელენე ხოშტარია ფეისბუქის პირად გვერდზე.

საგამოძიებო კომისიაზე კიდევ ერთხელ დაიბარეს ოპოზიციონერი პოლიტიკოსები, რასაც მტკიცე პოზიციით ეხმაურება პატიმრობაში მყოფი “სტრატეგია აღმაშენებლის” ლიდერი, გიორგი ვაშაძე:

“წულუკიანს, რომელსაც საკუთარ სასამართლოში მოსვლისაც კი ეშინია, ისევ დავუბარებივარ ე.წ. კომისიაზე.

კარგად გაიგონ, ფარსში მონაწილეობას არ ვაპირებ არც ახლა, არც მერე ამიტომ ბრძოლა ღირსებით და ბოლომდე!” – აცხადებს გიორგი ვაშაძე.

ანალიტიკოს ზაალ ანჯაფარიძე ოპოზიციის მარცხზე საუბრობს:

“რა არის ყველაზე მძიმე პრობლემა ადამიანისათვის? ჩემი აზრით – მორალური მარცხი საკუთარი თავის და საზოგადოების წინაშე.

დღევანდელი ოპოზიცია ლამის ყოველდღიურად განიცდის ასეთ მორალურ დამარცხებებს, და სწორედ ეს გახლავთ მათი პოლიტიკური წარუმატებლობის ერთერთი მთავარი, თუ არა უმთავრესი მიზეზი“, – წერს ფეისბუქის პირად გვერდზე ზაალ ანჯაფარიძე.

ანტისაოკუპაციო მოძრაობის ლიდერი, დავით ქაცარავა სოციალურ ქსელში სტატუსს აქვეყნებს, სადაც საუბრობს უნგრეთში გამართულ მასშტაბურ საპროტესტო მოძრაობასთან დაკავშირებით და ,,ქართულ ოცნებას” მიმართავს:

,,უნგრეთში, ვიქტორ ორბანის წინააღმდეგ ხალხი გამოვიდა.

ქოცნო, სასწრაფოდ აფრინეთ ტვ ნაძეჟდას დრონი და მამუკა რეჩკინს დაათვლევინეთ ხალხი, თორემ ჩამოგენგრათ პროპაგანდა”, – წერს დავით ქაცარავა.

ავტორი
ნინი ხიჯაკაძე

ქართველი მწერალი და დრამატურგი, ლაშა ბუღაძე სოციალურ ქსელში სტატუსს წერს, სადაც სოლიდარულ განცხადებას აქვეყნებს პარტია ,,დროას” ლიდერის, ელენე ხოშტარიას მიერ დაწყებულ შიმშილობასთან დაკავშირებით. ამავდროულად, ლაშა ბუღაძე ხაზს უსვამს იმ ასპექტებს, თუ როგორ განიხილება თითოეული ქმედება, რასაც საზოგადოება თუ სხვადახვა ლიდერები განახორციელებენ:

,,ვინც ფიქრობს, რომ ელენე ხოშტარიას გადაწყვეტილება არის ემოციური, ფსიქოლოგიური ხასიათით ნაკარნახევი და არა ცალსახად პოლიტიკური, მწარედ სცდება.

ზოგადადაც, ძალიან ბევრს ვწერთ და ვღაღადებთ ჩვენს ემოციურ მდგომარეობაზე, რაც გასაგებია, მაგრამ პრინციპში სრულიად გამოუდეგარი ამ დიდი ბრძოლის პირობებში, რომელიც რუსებთან და მის აქაურ სატრაპებთან გვაქვს – სამწუხაროდ, ისტორიას არ აინტერესებს, ჩვენ რას ვგრძნობთ. შევიგნოთ, რომ ვართ პოლიტიკურ და ისტორიულ ბრძოლაში და არა განგრძობით “თერაპიულ სეანსზე”.

ელენე ხოშტარია იმიტომ კი არ აზიანებს თავის ჯანმრთელობას, რომ სუიციდალური ვნებებით არის მოცული და “სხვა არ იცის, რა ქნას”, არამედ იმიტომ რომ პოლიტიკურ ბრძოლაშია საქართველოსთვის. ჩვენი სინდისის პატიმრები და პოლიტპატიმრებიც იმიტიმ არ ეგუებიან რუსულ რეჟიმს, რომ იბრძვიან და არა იმიტომ, რომ მათზე ვიგლოვოთ და “პოლიტიკური წირვა” გამოვუყვანოთ.

ელენეს ჯანმრთელობისთვის კი ეს მართლაც საგანგაშოა. არსობრივად კი – ჯერ კიდევ ოქტომბრიდან ამას ვჩივი (ჩემმა მეგობრებმა ეს იციან), – კარგი იქნება, თუკი ცოტათი ემოციების და “ისტერიკის” მართვას ვისწავლით. აგერ ქოცები კი ახერხებენ ამას ჩვენგან განსხვავებით: არალეგიტიმურები არიან, ევროპაში შესვლის ეშინიათ, ქუჩაში ვერ დადიან, პრობლემები აქვთ, მაგრამ უშფოთველობის ნიღაბს წარმატებულად ირგებენ სახეზე, რაც ნამდვილად მუშაობს. გავიაზროთ, რომ პოლიტიკურ ბრძოლაში ვართ და ყველა ჟესტი, სიტყვა თუ ქმედება ამ ბრძოლის ნაწილად აღიქმება”, – წერს ლაშა ბუღაძე.

ავტორი
ნინი ხიჯაკაძე

“ნაციონალური მოძრაობა” 13 წელია ვიძახით, რომ არ არსებობს არანაირი “ქართული ოცნება”, არსებობს “რუსული ოცნება”, რომლის მთავარი შემსრულებელია ივანიშვილი, რაც კიდევ ერთხელ დადასტურდა, როდესაც მისმა ბანდამ მხარი არ დაუჭირა სპეციალური ტრიბუნის შექმნას რუსეთის წინააღმდეგ, რის შესახებაც თინა ბოკუჩავასგან გავიგეთ, როდესაც PACE-ს პრეზიდენტს შეხვდა,” – განაცხადა “ნაციონალური მოძრაობის” ლიდერმა, ანა წითლიძემ მმართველი გუნდის მიერ მიღებულ გადაწყვეტილებასთან დაკავშირებით:

“ამის შესახებ ცნობილი გახდა მას შემდეგ, რაც “ნაციონალური მოძრაობის” პარტიის თავმჯდომარე თინა ბოკუჩავა PACE-ს პრეზიდენტი ევროსაბჭოში ერთმანეთს შეხვდნენ.

მოულოდნელი ამაში ნამდვილად არაფერი არ ყოფილა. ჩვენ ვიცით საქართველოს ე.წ ხელისუფლების პოზიცია რუსეთთან დაკავშირებით. ისინი არიან რუსების მოკავშირეები და რუსები, რომლებიც ქვეყანაში ატარებენ რუსულ ინტერესებს და ის, რომ მათ მხარი არ დაუჭირეს ევროსაბჭოში სპეციალური ტრიბუნის შექმნას, რომლის მთავარი მიზანი სწორედ რუსეთის მიერ ჩადენილი დანაშაულების გამოძიება და დასჯა იქნება, არის კიდევ ერთი ნათელი დადასტურება იმისა, რასაც “ნაციონალური მოძრაობა” 13 წელია ვიძახით, რომ არ არსებობს არანაირი “ქართული ოცნება”, არსებობს “რუსული ოცნება”, რომლის მთავარი შემსრულებლები არიან ივანიშვილი და მისი ბანდა საქართველოში”, – განაცხადა ანა წითლიძემ.

ინფორმაციას “ნაციონალური მოძრაობის” პრესსამსახური ავრცელებს

რიყე-ნარიყალას საბაგირო გზა, ტექნიკური რეგლამენტით გათვალისწინებული სამუშაოების გამო, 30 ივნისიდან 4 ივლისის ჩათვლით, მგზავრებს ვერ მოემსახურება.

აღნიშნულ პერიოდში საბაგირო გზაზე განხორციელდება გეგმური ინსპექტირებისა და ტექნიკური მომსახურების სამუშაოები.

თბილისის სატრანსპორტო კომპანია ბოდიშს გიხდით შექმნილი დისკომფორტის გამო!

ინფორმაციას თბილისის მერიის პრესცენტრი ავრცელებს

უკრაინაში დაღუპული ქართველი მეომრისთვის საპატიო ყარაულის დახვედრაზე უარის გამო მძიმე შეფასებებით მიმართავს თავდაცვის სამინისტროს მოსამსახურეებს “ქრონიკა +”-ის მთავარი რედაქტორი, ელისო კილაძე:

“ოფიცრებო, ჯარისკაცებო, გენშტაბო – თავდაცვის სამინისტროში ასე როგორ დაბეჩავდით, ვანო ნადირაძეს საპატიო ყარაული რომ არ დაახვედრეთ?!

სჯობს მონობაში გადიდკაცებულს, თავისუფლების ძებნაში მკვდარი‼️

არაფერია, გადიდკაცებულ მონაზე უფრო საცოდავი‼️” – წერს ელისო კილაძე ფეისბუქის პირად გვერდზე.

“სტრატეგია აღმაშენებლის” ერთ-ერთი ლიდერი, სერგო ჩიხლაძე ALDE-ს და სხვა ორგანიზაციების რეზოლუციის მნიშვნელობაზე საუბრობს საქართველოში მიმდინარე პროცესებთან მიმართებაში:

“ALDE-ს ევროპული პარტიების საბჭომ ჰელსინკიში მიიღო საქართველოს შესახებ რეზოლუცია სადაც მოითხოვს:

– ყველა პოლიტპატიმრის და სინდისის პატიმრის დაუყოვნებლივ და უპირობოდ გათავისუფლებას;

– 2025 წლის ბოლომდე ახალი, თავისუფალი და სამართლიანი საპარლამენტო არჩევნების ჩატარებას;

– რეპრესიული კანონების გაუქმებას;

– მიზნობრივი სანქციების დაწესებას ბიძინა ივანიშვილსა და მის გარემოცვაზე, ყველა იმ პირზე, ვინც აძლიერებს რეჟიმს და აღასრულებს მის უკანონო გადაწყვეტილებებს!

ბევრს ჰგონია, რომ ევროპარლამენტის ან პოლიტიკური ჯგუფების ALDE, EPP და ა.შ. რეზოლუციებს ძალა არ აქვთ ან “ჩალის ფასი” აქვთ. ეს სერიოზული შეცდომა და უვიცობაა.

ასეთი რეზოლუციები ქმნიან პოლიტიკურ გარემოს, ადგენენ წითელ ხაზებს და განსაზღვრავენ მომავალი პოლიტიკური ქმედებების მიმართულებას მთელ ევროპაში.

როდესაც ALDE, EPP და სხვა ძირითადი პოლიტიკური ჯგუფები ან ევროპარლამენტი იღებს რეზოლუციას, ის ხდება საბაზისო დოკუმენტი მათი წევრი პარტიებისთვის, ეროვნული პარლამენტებისა და მთავრობებისთვის. ეს ნიშნავს, რომ ისინი აღარ ითანამშრომლებენ, არ გაუწევენ პოლიტიკურ მხარდაჭერას და არ შეუწყობენ ხელს იმ რეჟიმებს, რომლებიც არღვევენ რეზოლუციაში განსაზღვრულ პრინციპებს, მათ შორის ქართულ ოცნებასაც.

ყველაფერთან ერთად, ასეთი დოკუმენტებები ასრულებენ მორალური კომპასის და პოლიტიკური სახელმძღვანელოს როლს, რასაც შემდეგ მიჰყვება შესაბამისი ქვეყნების მხრიდან პრაქტიკული პოლიტიკური ნაბიჯების გადადგმა.

როდესაც ვამბობთ, რომ რეზოლუცია არ მუშაობს, ზუსტად იმას ვაკეთებთ, რასაც ავტორიტარული რეჟიმები ელიან ჩვენგან, რომ დათესონ უიმედობა და მოახდინონ თავიანთი პროპაგანდის გაძლიერება.

კიდევ უფრო მარტივად, ცალკე აღებული ერთი რეზოლუცია, ერთი განცხადება, ერთი საპროტესტო აქცია, დაუმორჩილებლობის ერთი ინდივიდუალური აქტი არის პატარა მდინარე ან ნაკადული, რომლებიც გაერთიანებულად ქმნიან დიდ აზვირთებულ ნაკადს. ცვლილებები და გარდატეხა ვერ მოხდება თუ არ დაგროვდნენ ეს მდინარეები და ნაკადულები, ანუ რეზოლუციები ამ შემთხვევაში!” – წერს სერგო ჩიხლაძე ფეისბუქის პირად გვერდზე.