“ძალა და სიმართლე არის მამა დოროთეს მხარეს” – სალომე ზურაბიშვილი

საქართველოს მე-5 პრეზიდენტი, სალომე ზურაბიშვილი საპროტესტო აქციაზე, ჟურნალისტებთან კომენტარში, სრულ მხარდაჭერას უცხადებს არქიმანდრიტ დოროთე ყურაშვილს:

“მე აქ მოვედი იმისთვის, რომ მხარი დამეჭირა არქიმანდრიტ დოროთესთვის. ამ დროს ეს არ არის სწორი იმიტომ, რომ, რეალურად, მამა დოროთეს არ სჭირდება არავისი მხარდაჭერა – თვითონ არის ძალა, თვითონ არის სიმართლე და სარგებლობს ხალხის უდიდესი სიყვარულით.

მე არ ვჭირდები მას მხარდასაჭერად, ის უფრო მჭირდება მე და ჩვენ ყველას, რამეთუ ის ნამდვილად წარმოადგენს ჩვენთვის იმ სწორედ მართალ გზას, რომელზედაც ჩვენ ბოლომდე უნდა ვიდგეთ.

ძალა და სიმართლე არის მამა დოროთეს და ყველა იმ ადამიანის მხარეს, რომელიც არაა არც გაყიდული, არც გარიგებული და არასოდეს გახდება რუსი“, – აცხადებს სალომე ზურაბიშვილი