28 ნოემბრის საპროტესტო აქციასთან დაკავშირებით ნეგატიურ პოზიცია-შეფასებებს აფიქსირებს ანალიტიკოსი ზაალ ანჯაფარიძე:
“28 ნოემბრის აქციის ორგანიზატორებს და მონაწილეებს პოლიტიკური “შავი პარასკევი” დაუდგებათ, ამ ტერმინის როგორც პირდაპირი ისე ირიბი გაგებით.
აქცია აჩვენებს თუ რამხელა ფასდაკლება აქვს პოლიტიკურ საქონელს სახელად “რადიკალური ოპოზიცია”.
რაში გამოიხატება ეს? იმაში, რომ 365 დღის მანძილზე მათ ვერაფერი ღირებული და მისაღები ვერ შესთავაზეს საზოგადოებას. მხოლოდ ბღავილი – “ევროპაში გვინდა,” და ხალხისთვის არაფრის მთქმელი სხვა სულელური ამოძახილები.
შავ პარასკევს მათი ფასის დაცემა კი გამოიხატება იმაში, რომ სულ უფრო ცოტა ხალხს სურს იყიდოს ეს უხარისხო პროდუქტი. ფასდაკლების მკაფიო მაჩვენებელია რუსთაველზე ხალხის რაოდენობის დრამატული კლებაც და გედეონის შიმშილობაც ამ დღეებში ერთმანეთს კი აგულიანებენ “ბევრნი უნდა ვიყოთო,” მაგრამ იქნებიან იმდენი, რამდენიც ადრე, და იტყვიან იგივეს, რითაც წლებია ყურები გამოუჭედეს ხალხს.
რაც შეეხება იმ ყალბ ნარატივს, რომ საქართველო რუსეთისკენ მიდის. მოიყვანონ თუნდაც ერთი დამაჯერებელი მაგალითი, რომ ბოლო ერთი წლის მანძილზე საქართველო ხელშესახებად დაუახლოვდა რუსეთს. ვერ მოიყვანენ, რადგანაც არ არსებობს!” – წერს ზაალ ანჯაფარიძე სოციალურ ქსელში.
