ველური ბუნების ეროვნული სააგენტო მორიგი საინტერესო ინფორმაცია საქართველ;ოს ფლორის შესახებ – საკმლის, იგივე კევის ხე:
🌳 ცოტამ თუ იცის, რომ ვაშლოვანის დაცული ტერიტორიების მშვენება – საკმლის, იგივე კევის ხე, ფსტის ხის „ბიძაშვილია“.
განსხვავებით „ბიძაშვილისგან“, საკმლის ხის ნაყოფი საკვებად ვარგისი არაა, თუმცა მისი მერქნის სურნელოვან ეთერზეთებს საკმევლის დასამზადებლად იყენებენ. აქედან მომდინარეობს მისი სახელიც.
საკმლის ხე საქართველოში მხოლოდ რამდენიმე კონკრეტულ ლოკაციაზე გვხვდება; განსაკუთრებით ხშირია ქვეყნის უკიდურეს აღმოსავლეთში; იზრდება ნელა – 120 წლის ხე სიმაღლეში დაახლოებით, 5 მეტრს აღწევს; ცხოვრობს 300 წლამდე. მოიპოვება ცნობები ხეებზე, რომლებსაც 500-800 წელიც კი უცხოვრიათ.
