“ფეხბურთი ეროვნული ენერგიის გამოხატულებაა და როდესაც ერს უპირისპირდები, იქ ენერგიაც იკარგება და რჩება მხოლოდ ქოცური კამანდა, ცარიელი ტრიბუნებით და უპერსპექტივობით” – მიხეილ სააკაშვილი

მიხეილ სააკაშვილი, საქართველოს ეროვნული ნაკრების ფეხბურთელებთან მიმართებაში დაწყებულ დისკუსიას და აზრთა სხვადასხვაობას, კონკრეტული პოზიცია-შეფასებებით ეხმაურება:

“მე ვარ ფეხბურთის გულშემატკივარი, როგორც თქვენი უმრავლესობა და ვუყურებ რა ნაკრების უბედურებას, არ შემიძლია არ ვთქვა, რომ ეს არის პირდაპირი შედეგი მოთამაშეთა უმრავლესობის ხალხისგან მოწყვეტა, მარცხი მარცხზეა. ასე იცის “ოცნების კლიპებში გადაღებამ, საპროტესტო პოსტების აღებამ, კორუფციული “არქის” წილში შესვლამ, ამდენი თანატოლის დაჭერაზე და ციხეში გამომწყვდევაზე ხმის არ ამოღებამ.

ყველაფერს აქვს თავისი ფასი და როდესაც შენს ხალხს, რომელიც ასეთ განსაცდელშია, განუდექი, არ უნდა გაგიკვირდეს რომ ხალხმაც შეგაქციათ ზურგი.

ფეხბურთი ეროვნული ენერგიის გამოხატულებაა და როდესაც ერს უპირისპირდები, იქ ენერგიაც იკარგება და რჩება მხოლოდ ქოცური კამანდა, ცარიელი ტრიბუნებით და უპერსპექტივობით“, – აცხადებს მიხეილ სააკაშვილი.