“რეჟიმი, რომელმაც თვითონ აღიარა რომ წლებია კორუფციაში იხრჩობა, სინამდვილეში არის კოლაფსში” – ნინო ჯანგირაშვილი

ტელეკომპანია “კავკასია”-ს გენერალური დირექტორი, ნინო ჯანგირაშვილი მმართველი გუნდის კონკრეტული გეგმების თაობაზე თავის მოსაზრებებს გამოთქვამს:

“უკვე გაცხადდა კობახიძის განათლების რეფორმის ნამდვილი არსი – თბილისის ცენტრში მდებარე შენობებს გაყიდიან და ფულს იშოვნიან. ახალი წესებით საგრანტო დაფინანსების მიღების წესებიც შეიცვლება და უფრო ნაკლები სტუდენტი მიიღებს დაფინანსებას. 12–ე კლასის გაუქმებითაც ფულს დაზოგავენ. სულ ეს არის.

ამათი ერთადერთი ამოცანა ახლა ფულის შოვნა და დაზოგვაა. რეჟიმს ფული არ აქვს და აღარც ექნება. ერთადერთი შემოსავალი იზოლირებულ და გაკოტრებულ ქვეყანაში შეიძლება კრიმინალური გზებით იშოვონ, თუმცა ეს გზები საერთაშორისო დანაშაულზე გადის და დიდი შარია.

რეჟიმი, რომელმაც თვითონ აღიარა რომ წლებია კორუფციაში იხრჩობა, სინამდვილეში არის კოლაფსში. ორი პათოლოგიური სოციოპატის ამარა დარჩენილი სისტემა შეუძლებელია რამემ გადაარჩინოს, გარდა იმისა, რომ ჩვენ სწორად ვერ ვორგანიზდებით. ტეხავს“, – წერს ნინო ჯანგირაშვილი ფეისბუქის პირად გვერდზე.