“ქართული ოცნების” ყოფილი მაღალი თანამდებობის პირების წინააღმდეგ დაწყებულ გამოძიებას და მათი საკუთრების ჩხრეკის ფაქტს მძიმე შეფასებებით ეხმაურება “ლეიბორისტული პარტიის” თავმჯდომარე, შალვა ნათელაშვილი:
“განხეთქილება მაფიაში, თუმცა ამ შემთხვევაში მთავარ მაფიოზს სახელმწიფო აქვს უზურპირებული და მის ბერკეტებს იყენებს ყოფილი ბანდის წევრთა წინააღმდეგაც.
ახლა წავა ვერსიებით ენამზეობა. ბევრი რომ არ იწვალოთ მოკლედ მოგახსენებთ – ღარიბაშვილის და ლილუაშვილის მიმართ რეპრესიების მთავარი მიზეზია ოლიგარქის ეჭვი მათი ამერიკის შესაბამის სამსახურებთან თანამშრომლობაზე, თვლის რა ამას პირად ღალატად. ფარცხალაძის მიმართ კი რისხვის მთავარი საფუძველია, კრემლში მისი საქმიანობა, შეემზადებინათ ივანიშვილის ნაცვლად ალტერნატივა, შარდოვიჩად წოდებული ლევან ვასაძის სახით.
აი ესა ამ აურზაურის ალფა და ომეგა, რა თქმა უნდა დამატებითი ფაქტორების გათვალისწინებით“, – აცხადებს შალვა ნათელაშვილი.
