“ძალიან დიდი მარცხი მოლდოველი ქოცების და მათი რუსი უფროსების” – მიხეილ სააკაშვილი

საქართველოს მე-3 პრეზიდენტი, მიხეილ სააკაშვილი მოლდოვაში ჩატარებულ საპარლამენტო არჩევნებს ეხმაურება:

“ძალიან დიდი მარცხი მოლდოველი ქოცების და მათი რუსი უფროსების.
მიუხედავად უდიდესი ზეწოლის და ცდუნებისა (ამ ევროპის უღარიბეს ქვეყანაში თითო ადამიანს რუსები 3 ათას დოლარს სთავაზობდნენ) მოლდოველი ხალხი არ გაიყიდა.

აბსოლუტური უმრავლესობა მოიპოვა ჩემი ძვირფასი მეგობრის, მაია სანდუს, ევროპულმა ძალამ.

მოლდოველი ივანიშვილი – პლახატნიუკი დაპატიმრებულია მოლდოვის გაძარცვისთვის.

ზუსტად იგივე ჩაატარეს, რაც ჩვენთან 2012-ში, მაგრამ ახლა რუსეთი დასუსტებულია, დასავლეთი სწორ პოზიციაზეა და კრემლს არაფერი გამოუვიდა.

ვულოცავ მოლდოველებს, უკრაინელებს და რა თქმა უნდა ქართველებს, რომლებმაც თავის მხრივ უნდა დავამტკიცოთ, რომ არაფრით ვართ ნაკლებები.

მოლდოვის მოვლენების გათვალისწინებით ჩემი თხოვნაა მაქსიმალურად დიდმა ოდენობამ მიიღოს მონაწილეობა და გადაიბაროს ხელისუფლება!” – აცხადებს მიხეილ სააკაშვილი.