“კონტექსტი” – ნინო ჯანგირაშვილის განმარტებებსა და მინიშნებებში:
“მგონი ცხოვრებაში ყველაზე ძალიან მიყვარს სიტყვა კონტექსტი. სინამდვილეში კონტექსტია ყველაფრის ჩარჩო და საზომი. კონტექსტის გარეშე ყველაფერი ბრტყელი და შეცდომაში შემყვანია. კონტექსტის გარეშე ნივთი, სიტყვა, ფაქტი, მოვლენა ან მოქმედება ვერ იძენს სრულ მნიშვნელობას, უბრალოდ მკვდარია.
პოლიტიკა კონტექსტის გარეშე უბრალოდ ტექნოკრატიაა.
კონტექსტის გარეშე სიმართლე შეიძლება ცრუ სურათად იქცეს.
ფაქტი კონტექსტის გარეშე ხშირად სიცრუეზე უფრო საშიშია, რადგან ქმნის ილუზიას.
პროპაგანდა ყოველთვის კონტექსტიდან ამოგლეჯაზეა აგებული. როცა ამბავს კონტექსტს აშორებ, ის თითქოს ახალ “სიმართლედ” იქცევა.
რატომ ვილაპარაკე ამდენი: ლელოს საარჩევნო პროგრამის პრეზენტაციას ვუყურე და ტრაგიკულობამდე კონტექსტიდან ამოგლეჯილია ეს პარტია თავისი საარჩევნო კამპანიიანად. მგონი დიდი ფასის გადახდა მოუწევთ ამის გამო“, – წერს ტელეკომპანია “კავკასიას” გენერალური დირექტორი, ნინო ჯანგირაშვილი ფეისბუქის პირად გვერდზე.
