“კარფური” თავის ორ ჰიპერმარკეტში – “თბილისი მოლსა” და “ისთ ფოინთში” 22 აპრილამდე ოპერირებას აჩერებს

ჰიპერმარკეტების ქსელი „კარფურის“ ორი ფილიალი „თბილისი მოლი“ და „ისთ ფოინთი“ დროებით წყვეტენ ოპერირებას, რაც უკავშირდება მთავრობის მიერ მიღებულ გადაწყვეტილებას წესების უფრო გამკაცრებასთან დაკავშირებით, რომლიც მიხედვითაც სრულად აიკრძალა მსუბუქი ავტომობილებით გადაადგილება. ინფორმაციას ამის შესახებ კომპანია „კარფურის“ ოფიციალური ფეისბუქ გვერდიდან ხდება ცნობილი:

„მთავრობის გადაწყვეტილებიდან გამომდინარე, რაც გულისხმობს საქართველოს მთელს ტერიტორიაზე მსუბუქი ავტომობილებით გადაადგილების აკრძალვას, კომპანია “კარფურის” ორი ჰიპერმარკეტი, “თბილისი მოლსა” და “ისთ ფოინთში” აჩერებს ოპერირებას 22 აპრილამდე.

მოგეხსენებათ, აღნიშნულ ჰიპერმარკეტებამდე მომხმარებელი ძირითადად გადაადგილდებოდა ავტოსატრანსპორტო საშუალებით, რისი უფლებაც დროებით შეზღუდულია.

ჰიპერმარკეტები მუშაობას 22 აპრილიდან განაახლებენ, ხოლო კარფურის ყველა დანარჩენი ფილიალი აგრძელებს ოპერირებას ჩვეულ რეჟიმში.

აქვე გვინდა კიდევ ერთხელ დიდი მადლობა გადავუხადოთ კარფურის თავდადებულ გუნდს, რომლის თითოეული წევრი თავდაუზოგავად უდგას გვერდით არა მარტო კომპანიას, არამედ მთელს ქვეყანას.

ასევე, მადლობა ჩვენს ერთგულ მომხმარებლებს, მოთმინებისა და ჩვენდამი გამოხატული ნდობისთვის.

თითოეული თქვენგანი ჩვენთვის ძვირფასია,“ – აღნიშნულია განცხადებაში.

ავტორი
თამთა ასლანიშვილი