ტელეკომპანია „მთავარი არხის“ საინფორმაციო სამსახურის ხელმძღვანელმა ნოდარ მელაძემ თანამდებობა დატოვა – ამის შესახებ ინფორმაცია მისი ფეისბუქის გვერდიდან გახდა ცნობილი, სადაც მისი მეგობრები, ჟურნალისტი ვასილ დაბრუნდაშვილი და ნათია ზოიძე მადლობას უხდიან თანამშრომლობისათვის და წუხილს გამოთქვამენ მომხდარი ფაქტის გამო:
„მადლობა თანამშრომლობისთვის და მადლობა ყველაფრისთვის მართალია ცოტა ხნით იყო მაგრამ რაც იყო, კარგი იყო,“ – ვასილ დაბრუნდაშვილი.
“შენ ჩემი მეგობარი ხარ და გიცნობ,ზუსტად ვიცი მთელი სიცოცხლის გაღება შეგიძლია საქმისთვის,რომლისაც გჯერა ,მაშინაც კი, როცა ვერ ვთანხმდებოდით, სულ ვაფსებდი შენს ამ უნარს Nodar Meladze რასაც ააშენებ, იმ ნანგრევებში რომ მოყვები ესაა მძიმე,მაგრამ ზუსტად ვიცი, რომ გადაშლი ამ წიგნს. მწყინს ასე რომ გამოვიდა, არ მინდა იმედგაცრუებული გნახო,” – ნათია ზოიძე.
კონკრეტულად რა გახდა მისი ტელეკომპანიიდან წასვლის მიზეზი უცნობია, მედიაში გავრცელებული ერთ-ერთი ვერსიით, ნოდარ მელაძემ 13 აპრილს „მთავარი არხი“ ნიკა გვარამიასთან არხის გენერალურ დირექტორთან უთანხომოების გამო დატოვა.
ნოდარ მელაძე რამდენიმე წელი მუშაობდა ტელეკომპანია „რუსთავი 2“ -ზე, საინფორმაციო სამსახურის უფროსად, თუმცა ტელეკომპანია “რუსთავი 2”-ზე განხორციელებული ცვლილებების ფონზე ის სამსახურიდან გაათავისუფლეს და მას შემდეგ „მთავარ არხზე“, ასევე საინფორმაციო სამსახურის ხელმძღვანელად მუშაობდა. წლების წინ ნოდარ მელაძე მუშაობდა ტელეკომპანია “იმედზეც”.
მედიის საშუალებით ასევე ვრცელდება ინფორმაცია, რომ ტელეკომპანია „მთავარ არხს“ კიდევ რამდენიმე ჟურნალისტი ტოვებს, თუმცა ეს ინფორმაცია ჯერჯერობით არ დასტურდება.
ავტორი
თამთა ასლანიშვილი
