“ბიზნესი, ვინც ჩუმადაა და ფიქრობს, რომ გადარჩება – მაინც ვერ გადარჩება ამ საშინელი სიჩუმით” – ხატია დეკანოიძე

მმართველი გუნდის მიერ დაგეგმილ საკანონმდებლო ნორმების შემოღებასთან დაკავშირებით კონკრეტულ განმარტებებს აკეთებს “ნაციონალური მოძრაობის” წევრი, ხატია დეკანოიძე:

“ქოცებს მორიგი დრაკონული კანონის ნორმები შემოაქვთ:

პირი, ვინც ფინანსურის (აზუსტებენ კიდევ სხვებს) გამო გასამართლდება – მისი ფინანსური ზარალის ამოღება გამარტივებულად ნათესავებისგან იქნება შესაძლებელი.

მაგალითად, თქვენ თუ გაგასამართლეს – თქვენს შვილს ან ძმას შეიძლება მანქანა ან სახლი წაართვან.

ასევე, ვინც ფინანსურ დანაშაულზე სასჯელს მოიხდის – საქართველოს ვეღარ დატოვებს. ანუ ციხის შემდეგ ისევ ციხე. ყველა უფლებას გვართმევენ.

ბიზნესი, ვინც ჩუმადაა და ფიქრობს, რომ გადარჩება – მაინც ვერ გადარჩება ამ საშინელი სიჩუმით“, – წერს ხატია დეკანოიძე ფეისბუქის პირად გვერდზე.