ოპოზიციონერი პოლიტიკოსი, შინაგან საქმეთა და თავდაცვის ყოფილი მინისტრი ირაკლი ოქრუაშვილი მძიმე პოლიტიკურ შეფასებას ახდენს ქვეყანაში მიმდინარე პროცესებთან დაკავშირებით:
“გველს სანამ თავს არ მოვკვეთთ მანამდე დაგესლავს ამ ქვეყნის თითოეულ მოქალაქეს, მათ შორის მის მხარდამჭერსაც და მთლიანად ქართულ სახელმწიფოებრიობას. გველის თავი ივანიშვილია და არა კობახიძე, ყაველაშვილი ან კალაძე. მთელს საზოგადოებას სწორება და სამიზნე ამ პაიკებზე აქვს გასწორებული და ივანიშვილი სამიზნის მიღმა გვრჩება. არადა ყველა ბოროტების სათავე ეგაა მისი ფულით სავსე ტომრებით, რითიც ყოველ საღამოს პრემიებით ასაზრდოებს მთელ ნიღბიან შპანას და არა პოლიციას. ამ შპანასთან კი სხვაგვარი ქცევაა საჭირო, ვიდრე აწეული ხელებით დგომა და პოლიციელი გმირიას ყიჟინა.
ყველამ უნდა გავიგოთ რომ კანონი აღარ არსებობს ამ ქვეყანაში და საქმე გვაქვს არა ხელისუფლებასთან, არამედ დამპყრობელთან.
რა უნდა ვქნათ?
ოპოზიციამ (მინიმუმ იმ ოთხმა პარტიამ თავი რომ ცისფერსისხლიანები ჰგონიათ) უნდა აიღოს პასუხისმგებლობა წინააღმდეგობის საორგანიზაციო შტაბის ჩამოყალიბებაზე, მოძებნონ/აირჩიონ/შეარჩიონ სურვილის, გამოცდილების და რესურსის მქონე ათმეთაურები და ოცმეთაურები, განუსაზღვრონ სამოქმედო არეალი (მეტ დეტალს აღარ დავწერ, თვითშემოქმედებით კი პროცესს უბრალოდ გავლევთ და ხალხს დავღუპავთ თუ მათ არ აიღეს პასუხისმგებლობა, ვისაც ხალხმა ნდობის მანდატი მისცა).
შემდეგ კი უნდა გადავიდეთ შეტევაზე.
ეს არის უკანასკნელი ბრძოლა და ამის იქით ან გამარჯვება იქნება ან 37 წელი მინიმუმ აქტიური ადამიანებისთვის“, – წერს ფეისბუქის პირად გვერდზე ირაკლი ოქრუაშვილი.
