პარტია “ფედერალისტების” ლიდერი თამარ ჩერგოლეიშვილი ევროკავშირის წევრი ქვეყნების ლიდერებთან შეხვედრაზე პარლამენტის თავმჯდომარის უარს პოლიტიკური შეფასებებით ეხმაურება და ამასთან აცხადებს რომ ბიძინა ივანიშვილმა საქართველო ევროკავშირის ნაცვლად ევრაზიაში მიიყვანა:
“ევრაზიული ქვეყანა ვართ მეგობრებო.
ეს ფაქტი შედგა რუსული რეჟიმისთვის კანდიდატის სტატუსის მინიჭებისას შექმნილი სტრატეგიული ბუნდოვანების შედეგად.
ბიძინა ივანიშვილმა შეძლო პროევროპელი ქართველი ხალხის ნაწილის გაბრიყვება, რომ ევროპაში მიდის მშვიდობით – ამის უტყუარი საბუთი, კანდიდატის სტატუსი, მას ხელში ეჭირა – და რეალურად, მოვედით ევრაზიაში.
საერთოდ არ არის გასაკვირი, რომ ევრაზიული ქვეყნის პარლამენტის თავმჯდომარე არ ხვდება ევროპარლამენტის დელეგაციას.
გასაკვირი არ არის.
შესაცვლელია.
და შეცვლას დღეს მეტი შრომა სჭირდება, ვიდრე გუშინ“, – წერს ფეისბუქის პირად გვერდზე თამარ ჩერგოლეიშვილი.
