ანალიტიკოსი, პოლიტიკის ექსპერტი გია ხუხაშვილი ქვეყანაში არსებულ რეალობას “ქართული ოცნების” საპატიო თავჯდომარესთან, ბიძინა ივანიშვილთან მიმართებაში ახასიათებს:
“ბიძინამ შექმნა ქვეყანა, სადაც მოსამართლის მიერ, ასი მოწმის თანდასწრებით, საკუთარი თვალით დანახულის უბრალოდ დადასტურება, გმირობად ითვლება.
ღმერთმა მოგვცა თვალები, რათა დავინახოთ… ყურები, რათა გავიგონოთ… და მოგვცა თავისუფალი ნება, რათა შევაფასოთ დანახული და გაგონილი.
ბიძინამ შექმნა ალტერნატული სარწმუნოება – “ბიძინას მოწმეთა ტოტალიტარული სექტა”, რომელიც ქადაგებს – არ დაუჯეროთ საკუთარ თვალებს და ყურებს, დაუჯერეთ მხოლოდ მისივე სიტყვას, რომელიც მისი ადეპტების მიერ აღევლინება, მისივე ტვ ტაძრებში.
ასე ძნელი დასანახია, როგორ ცდილობს მავანი თქვენი დაბრმავებით, დაყრუებით და თავისუფალი ნების წართმევით, ჭეშმარიტი ღმერთის ჩანაცვლებას?!…” – წერს ფეისბუქის პირად გვერდზე გია ხუხაშვილი.
