საქართველოს სტატისტიკის ეროვნული სამსახური საქართველოში ინფლაციის დონის შესახებ ახალ შედეგებს აქვეყნებს. ფასები გაზრდილია თითქმის ყველა სახის სურსათზე: ხილზე, ბოსტნეულზე, ხორც-პროდუქტებზე და ა.შ. როგორც საქსტატის ოფიციალურ განცხადებაშია ნათქვამი წლიური ინფლაციის ფორმირებაზე ძირითადი გავლენა იქონია სამომხმარებლო კალათაში შემავალი საქონლისა და მომსახურების ჯგუფებზე ფასების ცვლილებამ.
საქსტატმა გამოაქვეყნა, როგორც თვიური პროცენტული მაჩვენებლების ანგარიში, ასევე წლიური რეპორტი ფასების ზრდის მიხედვით. ამ ანგარიშის მიხედვით ფასების ზრდა ფიქსირდება, როგორც წინა თვეში, ასევე სტატისტიკის ეროვნული სამსახური გვთავაზობს ერთი წლის ფასების პროცენტულ მონაცემებს.
ამ მონაცემების მიხედვით ფასები წინა წელთან შედარებით გაზრდილია შემდეგ პროდუქტებზე:
„წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: „ხილი და ყურძენი 25.1 პროცენტიანი ზრდა, რძე, ყველი და კვერცხი 19.2 %, ხორცი და ხორცის პროდუქტები 15.1 %, შაქარი, ჯემი და სხვა ტკბილეული 11.2 %, ბოსტნეული და ბაღჩეული 11.1 %, თევზეული 10.3 %, მინერალური და წყაროს წყალი, უალკოჰოლო სასმელები და ნატურალური წვენები 8.7 %, ზეთი და ცხიმი 7.4 %, პური და პურპროდუქტები 5.6 %, ყავა, ჩაი და კაკაო 5.0 %,”
საქსტატის მონაცემებით აგრეთვე ფასების ცვლილებაა მომსახურების სფეროში.
“სასტუმროებზე, კაფეებზე და რესტორნებზე ფასები გაზრდილია 8,7 % _ით.
სასტუმროები, კაფეები და რესტორნები: მოცემულ პერიოდში ფასები გაიზარდა 8.7 პროცენტით, შესაბამისად, ჯგუფის წვლილმა წლიურ ინდექსში შეადგინა 0.39 პროცენტი. ფასების ზრდა დაფიქსირდა როგორც საზოგადოებრივ კვებაზე 9.5 %, ისე ღამის გასათევით მომსახურებაზე 1.3 %,” – ვკითხულობთ სტატისტიკის ეროვნული სააგენტოს ოფიციალურ ანგარიშში.
