,,ერთიანობა – ნაციონალური მოძრაობის” ერთ-ერთი ლიდერი, ლაშა ბაქრაძე სააგენტო ,,პარალელთან” ინტერვიუში საუბრობს საქართველოს გეოპოლიტიკური ადგილის შესახებ:
,,ამასწინათ რიყეზე გამოსვლისას, დავითის ისტორიკოსი ვახსენე, დავით აღმაშენებლის ისტორიკოსი და იქიდან მინდა ერთი ციტატა მოვიტანო:
,,და თუმცა დავითს სპარსთა ჰქონებოდა მეფობა, ანუ ბერძენთა და ჰრომთა ძალი, ანუ სხუათა დიდთა სამეფოთა, მაშინმცა გენახნეს ნაქმარნი მისნი უაღრესი და სხვათა ქებულთანი“.
ანუ დავითი რომ ყოფილიყო ისეთი ქვეყნების მეფე, ისეთი დიდი ქვეყნების, როგორიც არის სპარსეთი, საბერძნეთი ან რომის იმპერია, მაშინ ნახავდით რისი გაკეთება შეეძლო. საერთოდ ეს არის, მე ვიტყოდი, ისტორიულად ქართველების პრობლემა, რომ პატარა საქართველო არ იძლევა ქართული ნიჭისა და ენერგიის ისეთუ განვითარების საშუალებას, როგორიც შეიძლება ამ ერში იყოს ჩადებული, ამ ადამიანებში, ქართველებში იყოს ჩადებული.
ჩვენ კარგად ვიცით, რომ ასეც ხდებოდა ხოლმე ისტორიულად, რომ, მაგალითად, ბიზანტიის, სპართა იმპერიაში, რუსეთის იმპერიაში, რა საკვირველია საბჭოთა კავშირშიც, ეს ენერგია და ნიჭი ქართველებისა გამოჩდა, რადგანაც ამ ენერგიას და ნიჭს განვითარებისათვის სივრცე სჭირდება.
მაგრამ განსხვავებით ჩვენი წარსული ისტორიისა დღეს პირველად გვეძლევა შანსი დემოკრატიულ, კონკურენტუნარიან გარემოში გამოვიჩინოთ ეს ნიჭი და ენერგია, ჩვენ თავსაც და მსოფლიოსაც ვაჩვენოთ თუ რისი შესაძლებლობები გვაქვს.
იმიტომ, რომ ქართველს, ჩემი აზრით, სჭირდება აი ეს განვითარებისათვის სივრცე და ევროპის კავშირი, აი ამ სივრცეს გვაძლევს. ამიტომაც არის ჩემი აზრით, ევროპის კავშირის წევრობა საქართველოსათვის აუცილებელი, იმისთვის, რომ განიცადოს კიდევ უფრო დიდი წინსვლა და ვაჩვენოთ ევროპას და მსოფლიოს რა შეგვიძლია, რას ნიშნავს ქართული ნიჭი და ენერგია!”, – აღნიშნა ლაშა ბაქრაძემ.
ავტორები
მარიამ ხაჩირაშვილი
ლიკა ჭოჭუა
