“ივანიშვილის ჩიჩილაკი ქართველი ხალხის სახელით ელაპარაკება ამერიკას ფაქტიურად ურთიერთობების გაწყვეტაზე და ჩვენ ვსხედვართ ასე. არაუშავრს?” – ნინო ჯანგირაშვილი ირაკლი კობახიძეზე

ტელეკომპანია “კავკასიას” გენერალური დირექტორი, ნინო ჯანგირაშვილი, აშშ-ს ელჩთან პრემიერ-მინისტრ ირაკლი კობახიძის მიერ დაფიქსირებულ პოზიციას მწვავე შეფასებებით ეხმაურება:

“კობახიძე ამერიკას ემუქრება, რომ ქართულ–ამერიკული ურთიერთობების მიმართ საქართველოს პოზიციას თვისობრივად გადახედავს. ივანიშვილის ჩიჩილაკი ქართველი ხალხის სახელით ელაპარაკება ამერიკას ფაქტიურად ურთიერთობების გაწყვეტაზე და ჩვენ ვსხედვართ ასე. არაუშავრს?

“კობახიძემ შეშფოთება გამოთქვა აშშ-ის სახელმწიფო დეპარტამენტის გუშინდელი გადაწყვეტილების გამო, რომელიც საქართველოს მოქალაქეების, მათ შორის პოლიციელების მიმართ სანქციებისა და სავიზო შეზღუდვების დაწესებას ითვალისწინებს.

აღინიშნა, რომ ამ გადაწყვეტილებით ამერიკული მხარე კრიტიკულ ზღვარს მიუახლოვდა, რამაც, კიდევ ერთი მსგავსი გადაწყვეტილების მიღების შემთხვევაში, შესაძლოა, ქართულ-ამერიკული ურთიერთობების მიმართ საქართველოს პოზიციის თვისებრივი გადახედვა განაპირობოს“ – აშშ–ს ელჩთან შეხვედრაზე თქვა ეს“, – წერს ფეისბუქის პირად გვერდზე ნინო ჯანგირაშვილი.