“ლეიბორისტული პარტიის” თავმჯდომარე, შალვა ნათელაშვილი უფასო სატელევიზიო რეკლამებთან დაკავშირებით ოპოზიციის მიმართ კონკრეტულ მინიშნებებსა და მწვავე შეფასებას აკეთებს:
“დაიწყო პოლიტიკური პარტიებისათვის უფასო სატელევიზიო რეკლამა, სადაც შუქდება ყველა ვაი-ოპოზიციური პარტია, ვინც უღალატა ხალხზე მიცემულ სიტყვას, შევიდა უკვე დაშლილ პარლამენტში და გადაარჩინა ივანიშვილის რეჟიმი.
ლეიბორისტულ პარტიას არ აპატიეს, რომ არ გახდა მათნაირი და სპეციალური კანონით 2021 წლის ივნისში ჩამოგვართვეს რეკლამის უფლებაც. ჩვენ ხალხის გულში არავითარი რეკლამა არ გვჭირდება, სამაგიეროდ უფასოდ ვნახავთ მოღალატეთა გამოფენას ამჯერად ცრუ რეკლამებითაც.
26 ოქტომბერს ვასწავლოთ ჭკუა ამათ. ყველა მამულიშვილის ხმა ლეიბორისტულ პარტიას. ეს იქნება ქვეყნის ნათელი ისტორიის დასაწყისი. რეკლამა რომ საშველი იყოს აფთიაქში გაიყიდებოდა“, – წერს ფეისბუქის პირად გვერდზე შალვა ნათელაშვილი.
