“დუშ-კაბინიდან” ქადაგება ძალიან სასაცილოდ გამოიყურება, მაგრამ სინამდვილეში შეიცავს ძალიან დიდ საფრთხეებს – მიხეილ სააკაშვილი ბიძინა ივანიშვილზე

საქართველოს მესამე პრეზიდენტი, მიხეილ სააკაშვილი სასამართლო პროცესზე ჩართვისას საუბრობს ბიძინა ივანიშვილის მხრიდან გაჟღრებული მუქარებთან დაკავშირებით და კონკრენტულ მძიმე შეფასებებს აკეთებს მასთან მიმართებაში:

,,ეს არის აბსოლუტურად ავადმყოფური ხელისუფლება! თქვენ ვერ ატყობთ ხალხო, რომ ავადმყოფებთან გვაქვს საქმე, ფსიქიკურად გაუმართავ ადამიანებთან გვაქვს საქმე?!

არა მხოლოდ პათოლოგიურ მატყუარებთან, არამედ ჭკუიდან გადასულ ავადმყოფებთან.

,,დუშ-კაბინიდან’’ ქადაგება ძალიან სასაცილოდ გამოიყურება, მაგრამ სინამდვილეში, არც ისე სასაცილოა, იმიტომ, რომ შეიცავს ძალიან დიდ საფრთხეებს.

თვითგამოცხადებული ჭორვილელი დიქტატორი ემუქრება ჩვენს მთავარ თავისუფლებებს:

1. სიტყვის თავისუფლება – რუსული კანონით დახურავს ყველა დამოუკიდებელ ტელევიზიას, მედიას, ყველა არასამთავრობო ორგანიზაციას;

2. პოლიტიკური თავისუფლება – ის აპირებს პოლიტიკური ოპოზიციის გაუქმებას და ამის შესახებ ღიად აცხადებს და გეგმავს პარლამენტიდან ოპოზიციის გაყრას;

3. პირადი თავისუფლება – ის გეგმავს ათასობით ადამიანის ციხეში ჩაყრას და ამას არც მალავს, პირდაპირ გეუბნებათ. და უამრავი ადამიანი დღეს იმყოფება ციხეში, ჩემი ჩათვლით. ეს არის უბრალოდ პოლიტიკური აქტივიზმისთვის თავისი აზრის გამოხატვისთვის. განსხვავებულად ფიქრისთვის, ის აპირებს ყველას ციხეში ჩაყრას.

მან წარმოადგინა თავისი პირდაპირ ჯოჯოხეთური გეგმა ჩვენი ეკლესიის დაუფლების და კიდევ კარგი არ გამოუვიდა, რაც სურს ივანიშვილს თუ გაუვიდა, მას უნდა ჩვენი აღსარების შინაარსის გაკონტროლება და ივანიშვილი ემუქრება ჩვენი გადაადგილების თავისუფლებას. იმიტომ, რომ საკმარისია ის იყოს ხელისუფლებაში, ევროკავშირი ავტომატურად გაგვიუქმებს უვიზო მიმოსვლას და ჩვენ ვეღარსად ვეღარ გადავაადგილდებით.

და ბოლოს: ის ემუქრება საქართველოს თავისუფლებას და დამოუკიდებლობასა. ანუ თუ ეს ყველაფერი გამოუვიდა ეს ავტომატურად ნიშნავს ჩვენი სახელმწიფოებრიობის გაუქმებას და ქართველების უსამშობლოდ დატოვებას’’, – განაცხადა მიხეილ სააკაშვილმა.

ავტორი
მარიამ ხაჩირაშვილი