,,ერთიანობა – ნაციონალური მოძრაობის’’ ერთ-ერთი ლიდერი, გიორგი ვაშაძე გადაცემა რუსუდან დუმბაძის ,,დღის ამბებში’’ ჩართვისას პარალელს ავლებს ,,ერთიანობა – ნაციონალური მოძრაობისა’’ და ,,ქართული ოცნების’’ საარჩევნო კამპანიების ფარგლებში გამართულ შეხვედრებს შორის:
,,მოგესალმებით სამეგრელოდან, დარჩელიდან, აჭარიდან-სამეგრელოში გადმოვედით. ძალიან მაგარი, თბილი დახვედრა მოგვიწყვეს, ჩვენი ახალი ოფისი გაიხსნა დარჩელში.
ჩვენ ასე ქუჩაში ვდგავართ და ნებისმიერ ჩვენს თანამემამულეს შუძლია მოვიდეს და გაგვესაუბროს. ჩვენ არ ვდგავართ ბრონირებული შუშების უკან, კოლბებში არ ვიმალებით, ხალხს ზემოდან არ ველაპარაკებით, როგორც ელაპარაკება ,,ქართული ოცნება’’, მაქსიმალურად ვცდილობთ, რომ ახლოს ვიყოთ ხალხთან.
ჩვენ გვაქვს ძალიან მნიშვნელოვანი ამოცანა – ჩვენთვის მნიშვნელოვანი ამოცანა არის ის, რომ ევროკავშირში გვინდა იმისთვის, რომ კეთილდღეობა მოვიტანოთ საქართველოში. ,,ქართულ ოცნებას’’ უნდა იზოლაცია, როგორი იზოლირებულებიც არიან ხალხისგან, ზუსტად ისეთი იზოლაცია უნდათ ჩვენთვისაც.
ზემოდან ხალხს ელაპარაკებიან, დისტანციურად, ცრუ პრობლემებზე და თემებზე, არა იმ საკითხებზე რომელიც ხალხს აწუხებს. საბოლოო ჯამში მოწყვეტილი არიან ხალხს.
ჩვენ გვინდა მეტი კეთილდღეობა, ევროკავშირი, განვითარება, წინსვლა, მინდა, რომ დარჩელი, ზუგდიდი, ბათუმი, ოზურგეთი იყოს ევროკავშირი და ბიძინა ივანიშვილი ამბობს, რომ არა ევროკავშირი კი არ უნდა იყოს, უნდა იყოს ჩემი სამფლობელო, ადგილი სადაც მე ვიქნები კარგად და ყველა დანარჩენი იქნება ცუდად.
ხალხთან ახლოს ვართ ჩვენ, ისინი არიან ხალხისგან შორს. ნამდვილად ეს არჩევანია გასაკეთებელი კეთილდღეობა ევროკავშირში თუ უკიდურესი გაჭირვება იზოლაციაში’’,- განაცხადა გიორგი ვაშაძემ.
ავტორი
მარიამ ხაჩირაშვილი
