“საერთაშორისო ომის პარტია კიდევ ერთი, შესაძლოა, ბოლო ნაბიჯისთვის ემზადება. დასავლური მედიის ცნობით, უკრაინამ უკვე წარუდგინა მის დასავლელ კურატორებს რუსეთის სიღრმეში მდებარე სამხედრო-ეკონომიკური ობიექტების და გადაწყვეტილებების მიმღები ცენტრების ჩამონათვალი, რომლებზედაც კიევს სურს დარტყმა ამერიკულ-ევროპული შორსმსროლელი რაკეტებით. კიევი ითხოვს ამაზე დასავლეთის ნებართვას.
ჩემი ვარაუდით, დასავლეთის, მათ შორის “ომის პარტიის,” მოჩვენებითი ყოყმანი, როგორც ეს ადრეც გვინახავს, დიდხანს არ გაგრძელდება და უკრაინას, ღიად თუ ფარულად მისცემენ უფლებას რუსეთის სიღრმეში დარტყმები განახორციელოს დასავლური იარაღით. დღეს რუსეთის საგარეო საქმეთა მინისტრმა ლავროვმა განაცხადა, რომ მიდის რუსეთის ბირთვული იარაღის გამოყენების სტრატეგიის გადახედვა.
მოკლედ, ნაბიჯები იდგმება უფრო ომისკენ ვიდრე მშვიდობისკენ“, – წერს ფაისბუქის პირად გვერდზე ზაალ ანჯაფარიძე.
