“საგაკვეთილო საათების სიმრავლეზე მიბმული ფორმულა კიდევ უფრო მეტ კონფლიქტს გამოიწვევს სკოკლებში სექტემბრიდან”, – ამის შესახებ სადახლოს სკოლის ქართული ენის პედაგოგმა ნათია მანიამ “ერთიანობის” ლიდერებთან შეხვედრისას განაცხადა.
მისი თქმით განათლების მიმართულებით ძალიან ბევრი პრობლემაა, როგორიცაა აუშენებელი, გაურემონტებელი სკოლები, მოუწესრიგებელი ინფრასტრუქტურა და გაუმართავი ეროვნული სასწავლო გეგმა:
“მასწავლებელთა და ზოგადად განათლების პრობლემები ძალიან ბევრია.
დავიწყოთ აუშენებელი, გაურემონეტებელი სკოლებით, გაუმართავი ინფრასტრუქტურით და გაუმართავი ეროვნული სასწავლო გეგმებით და ახლა ახალი პრობლემა, უსამართლო სახელფასო ფორმულა, რომელმაც მასწავლებლებს შორის უკვე გამოიწვია დაპირისპირება და საგაკვეთილო საათების სიმრავლეზე მიბმული ფორმულა კიდევ უფრო მეტ კონფლიქტს გამოიწვევს სკოკლებში სექტემბრიდან” ,- განაცხადა ნათია მანიამ.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს
